Skip to main content

NÛK-p niviarsiarartai Danmarkimiittut

NÛK-p U-14-ertai sapaatip akunnera ataaseq Danmarkimeeqqammerput

NÛK-p niviarsiarartai assammik arsartaleramilli ajugaasinnaasatik tamarmik nunatsinni ajugaareerpaat. 

Sapaatip akunnerali ataatsimi nutaamik misigisaqaqqammerput, tassa Danmarkimi sungiusaatigalugu angalaqqammeramik. 

Lillian Madsen Bjerge Jørgen 'Erni' Olsenilu angalanermi aqutsisuupput. Lillian Madsen Bjerge oqarpoq Danmarkimi assammik arsartariaaseq nunatsinnut naleqqiullugu allaanerusoq. 

- Silkeborg-Voel KFUM unammigatsigu ilinniarfigeqaarput. Arsariaasiat sukkaneruvoq, aamma assersueriaasiat allaanerulluni. 

Danmarkimiinnerminni aamma GOG-mi assammik arsartartut takuaat. Tassani Akutaaneq Kreutzmann Minik Dahl Høeghilu sungiusartut Nuummiut niviarsiarartaat takugamikkit. 

Angalaneq niviarsiaqqanut pissarsiaqaataaqisoq oqaatigineqarpoq, ineriartoqqinnissamut iluaqutaassaqisoq aamma oqaatigineqarluni. 

Kommuneqarfik Sermersooq, Helene og Svend Junges Fond, Agerskov Consulting, Nurepa kiisalu BankNordik angalanermut tapiissuteqarsimasut nalunaarutigineqarpoq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER