Nujalerisoq Lise nuussimanini pillugu: Asanninneq annerpaajuvoq
Lise-Marie Lennert ukiut 28-t matuma siornagut Sisimiuniit Hensingørimut nuuppoq – ugguanngilarlu. ”Asasara eqqanniitillugu sumilunniit najugaqarsinnaavunga”.
- Angerlarserajuttarpunga. Kalaallit Nunaat pinningaarmat qimannissaa ajornangajappoq.
Lise-Marie Lennert uini Kell Bæk peqatigalugu Sisimiuniit Helsingørimut ukiut 28-nngulersut matuma siornagut nuuppoq. Ukiuni 25-ni nujaleriffik Klippe-Lise pigisimavaa, sulilu sapaatip-akunneranut ulluni sisamani sullitaqartarluni.
Aviisi AG taamatut allappoq, AG kalaallit Danmarkimi najugaqalerniarlutik Kalaallit Nunaannit aallarsimasut pillugit sapaatip akunnerani matumani ilanngutassiaqartarniarpoq.
- Maanga nuukkatta marluinnik oqaaseqarpunga, taamaalillungalu allarpassuarnit oqitsorsiornerullunga, Lise-Marie Lennert oqarpoq. Angutaa Sisimiuni atorfilittaavoq, meeqqani arfineq-pingasuusuni nukarlersaalluni, ilaqutariillu ukioq allortarlugu suliffinngeqarnermi angalatinneqartarlutik.
- Meeqqat atuarfianni Danmarkimilu feeriartarninni qallunaatut ilinniarpunga, arlalitsigut Holbækimi atsanni najugaqartarluta. Inuusuttuullungalu ukiuni qulini Nuummi qallunaatut oqaluffioqisumi najugaqarpunga.
Nuummi nujalerisoq
Lise-Marie Lennert 16-inik ukioqarluni Nuummi angajuminukarami juulliliaannartussaasimagaluarpoq, kisiannili ”illoqarfik asannilersoorfigisimallugu”. Ukiuni qulini tassani najugaqarpoq, Blok 9-mi najugaqatigiiffimmi najugaqarluni Blok 5-imilu nujaleriffimmi Salon Ingemi nujalerisutut ilinniagaqarluni. Assammik arsartarluni nunatsinnilu pissartanngorniunnernut peqataasarluni. Minnerunngitsumillu: Uini Kell Bæk naapillugu.
SMarluullutik Sisimiunut nuupput, Lise-Marie Lennertilu nujaleriffiutiminik ammaalluni, kisiannili ukiut pingasut ingerlareersullu matusariaqalerlugu. Taava Helsingørimut, Kell Bækip sorlaqarfigisaanut, nuunniarlutik aalajangerput.
Oqaluttuaq tamakkerlugu AG-mi atuartuk – ugguuna iserfigisinnaavat: