Nuannarinnittut Julie Melodi Grand Prix-imi ingerlatsisooqquvaat
Danmarki aappaagu europæiske Melodi Grand Prix-imi aaqqissuussisuuppat Julie Berthelsenip Mim Lyngvildillu ingerlatsisuunissaat Facebookimi 5.200-t sinneqartut ´iluarisimaarluarpaat´
Arfininngormat Danmarkip Europæiske Melodi Grans Priximi ajugaanerata kingorna 2014-imi Melodi Grand Priximik aaqqissuussinissarsuarmi kina imaluunniit kikkut aqutsisuussanersut eqqoriaqattaarneqalereerpoq.
Facebookimi inuit 5.200-t sinneqartut toortagaq ´Jim Lyngvildip Julie Berthelsenillu Danmarkimi Eurovision-imi aqutsisuunissaat´ ´iluarisimaarluarpaat´.
2000-mi Brødrene Olsen ajugaanerisa kingorna 2001-imi qallunaat aaqqissuussisuuneranni tusagassiortoq Natasja Crone isiginnaartitsisartorlu Søren Pilmark aqutsisuupput. Taamanikkut isornartorsiorneqarujussuarput.
Atuaruk "Pop-imi Danmark europami pissartanngorpoq"
Qallunaat Melodi Grand Prix-ianni Julie Berthelsen aamma Jim Lyngvild aqutsisuunikuupput. Tamanna pivoq 2010-mi Aalborgimi Gigantium-imi.
Qanoq isumaqarepit? Aqutsisussatut Julie Jimilu pitsaanersaappat?