Skip to main content

NQ: Naalakkersuisut pisassanik aalajangiisuussaanngillat

Aalisartut, piniartut kattuffiillu, siunnersuisoqatigiit biologillu peqatigalugit piniagassanik aalisakkanillu pisassiinissamut isumaqatiginniartassapput. Nunatta Qitornai taama isumaqarput.

Nunatta Qitornai qinersinissamut qineqqusaarutiminnik saqqummiigamik aalisakkanut piniagassanullu pisasseeriaatsip allanngortinnissaanik isumartik saqqummiuppaat.

Nunatta Qitornai isumaqarput Naalakkersuisut assersuutigalugu qilalukkanut, qaleralinnnut, tuttuttassanut allanullu pisassiinermi aalajangiisuusassanngitsut.

- Pisasseeriaaseq, agguaariaaseq Naalakkersuisoqarfimminngaanniit kaanngartinneqartariaqartoq isumaqarpugut. Pisuussutitsinnik pisassiissuteqartarneq pillugu isumaqatigiinniartartoqatigiinnik pilersitsisoqartariaqarpoq, Aleqa Hammond oqarpoq nangillunilu:

- piniartut aalisartut kattuffiit siunnersuisoqatigiit assigiinngitsut aammalu biologit tamarmik ataatsimoorfigisaannik pisassiisarnissaq inassuteqaatigineqartariaqarpoq, isumaqatiginninniutigineqareerluni. Aatsaat taakkua isumaqatiginninniarnerit piareerpata Naalakkersuisutigoortumik akuersissutigineqartassooq, Aleqa Hammond qineqqusaarutinik sisamanngornermi nalunaaqutaq 14.00 saqqummiussinermi nassuiaavoq.

Peqataatitsineq pingaaruteqartoq

Aalisartut piniartullu pisassiisoqartillugu peqataatinneqarnerunissaasa pingaaruteqassusaat Nunatta Qitornaisa oqaatigaat. Pisassiinermi aalisartut piniartullu kissaataat misilittagaallu tusaaneqarnerusariaqarput.

Ukiuni kingullerni aalisarnermut piniarnermullu naalakkersuisut taarserartut pisassiisarneq pillugu ilungersuuteqangaatsiartarsimapput. Pisassiisimasoqartillugu pisassat naammannginneri aalisartunit, piniartunit ilaatigullu peqatigiiffinnit oqaatiginiarneqartarpoq, soorlu aamma partiit ilaannit pisassat amerlineqarnissaat piumasarineqartartoq.

Pinngortitaleriffik pisassat pillugit ullumikkut siunnersuisarpoq. Naggaterpiaanili Naalakkersuisut pisassat pillugit aalajangiisuusarlutik.

- Tassani piginneqataaneq pingaaruteqartorujussuuvoq atuisunut. Piginneqataaneq aalajangiinermi pingaaruteqartorujussuusoq isumaqarfigaarput, Hammond oqarpoq.

Nunatta Qitornaisa siulittaasuat, Vittus Qujaukitsoq kommuninut aamma Inatsisartunut qineqqusaarutinik saqqummiinermini nassuiaatigaa partiip anguniagaasa ilagigaat piniagassanik aalisakkanillu amerlanerusunik pisassiisalernissaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER