Flytrafik
Norsaq qeqertami feeriartarfimmi ingerlaqqinnaveertoq
Airbus Kanariap Qeqertaanni sivitsukkamik uninngareerluni ataasinngornermi kinguaattooqqavoq. - Kisianni maanna iluarsineqalerput, Air Greenlandip timmiartortitsinermut pisortaa neriorsuivoq
Air Greenlandip Airbusiani teknikkikkut ajutoorneq ullumikkut annertuumik kinguaattoortoqarneranut pissutaavoq.
Atlantikup imartaa qulaallugu Air Greenlandip timmisartuussisua sapaatiummat Apollorejserimut attartorneqartilluni Kanariap Qeqertaannit, Fuerteventuramit aallarniartilluni teknikkikkut ajoquteqartoq nalunaarutigineqarpoq.
Air Greenland Sermitsiaq.AG-mut taama ilisimatitsivoq.
- Timmisartoq teknikkikkut ajoquteqalerpoq, taakkulu tassani iluarsivagut, timmisartortitsinermut pisortaq, Jacob Nitter Sørensen oqarpoq.
Timmisartoq sapaatiummat Spaniap qeqertaani feeriartarfimmit Københavnimut aallarnissaminut piareerpoq, kisianni timmisartuussinissamut aamma eqqissisimaarnissamut inatsisit, timmisartup inuttaanut atuuttut malillugit timmisartoq nunamiiginnartariaqarallarsimavoq.
Piffissaliussat tamarmik nikisinneqarnissaat tamatuma kingunerissavaa, GL779-p Kangerlussuarmut tikinnissaa Air Greenlandip nittartartagaa naapertorlugu maanna 16.20-imik allaqqavoq.
- Maannakkorpiaq aamma Tunumi silap ajornera pissutigalugu unammillernartoqartitsivugut, kisianni pilersaarut tamaat nikisipparput, naammassinissaalu naatsorsuutigaarput. Tamarmi ajorpasinngilaq, Jacob Nitter Sørensen ilisimatitsivoq, nangillunilu:
- Iluatsissanngippat aqagu iluarsissavarput.