Norsaq Islandimi mittariaqarsimavoq
Ullumikkut Atlantikoq ikaarlugu timmisartuussinissaq taamaatinneqarpoq
Ippassaq unnukkut Air Greenlandip timmisartorsua Norsaq, Airbus A330-200 iggavik tippammat Keflavikkimut mitsinneqartariaqarsimavoq. Norsaq Kangerlussuarmiit Københavnimut ingerlaartillugu taama pisoqarpoq.
Taamaammat ilaasut katillugit 146-it Keflavikkimi unnuisariaqarsimapput. Keflavikkimiit Kalaallit Nunaanni nal. naapertorlugu 16.00 Københavimut ingerlaqqissapput.
Ippassaammat timmisartuussinissap kinguaattorneragut ullumi Atlantikoq ikaarlugu timmisartuussinissaq taamaatinneqarpoq. Timmisartorsuarmik allamik attartorsinnaaneq misissorneqarpoq ajoraluartumilli attartortitsisartut atukkiussassaqarsimanngillat. Tamatumunnga taarsiullugu aqagu unnukkut immikkut timmisartuussisoqarnissaa pilersaarutaavoq.
Ilaasut tamarmik allamut inniminniissunneqarput angalanissamullu pilersaarutinik nutaanik nassinneqarlutik. Angalanissamut pilersaarummik nutaamik mailikkut sms ikkulluunniit tigusaqarsimanngitsut, Air Greenlandip atuisunik sullissivianut oqarasuaatikkut 70 12 12 saaffiginnissinnaapput.