Skip to main content

Norsaq angalaqqilerpoq - aliikkusersuinertaqanngitsumilli

Air Greenlandip imarpik qulaallugu timmisartuutaa Norsaq angalaqqilerpoq, ingerlatseqatigiiffilli timmisartumi aliikkusersuinermut atortunik pisiffigineqartartoq akiliisinnaajunnaarsimavoq.

Air Greenlandip imarpik qulaallugu timmisartuutaa suliffissuarmi Frankriigimiittumi februaarip qaammataani ukiumoortumik misissorneqarpoq.

Coronap ajornartorsiortitsinerata malitsigisaanik, suliffissuarmi sulisut angerlartinneqarsimapput, misissuinerlu taamaalilluni kingusinaarluni.

Norsaq maanna Air Greenlandimi sullisseqqilerpoq.

- Nuannaarutigalugu oqaatigissavarput asasarput timmisartuuterput aappaluttoq utilermat, ingerlatseqtigiiffit Facebookikkut sapaatip akunnerani matumani siusinnerusukkut allappoq. 

Ingerlatseqatigiiffiup timmisartorsuaq videokkut tassuuna aamma takutitassanngorlugu ilanngussimavaa:

Aliikkusersuutinik pilersuisartoq akiliisinnaajunnaartoq

Ingerlatseqatigiiffilli aliikkusersuinermut atortunik pisiffigineqartartoq corona pissutaalluni akiliisinnaajunnaarsimavoq.

Taamaammat angalasut aliikkusersorneqartassanngillat.

- Pisoq ajuusaarutigaarput, Siunnersuutigaarpulli angalannginnermi mobiliissinni imaluunniit tablet-isinni ilaasortaaffeqaruit ilaasortaaffissinniik(Netflix, Viaplay, HBO assigisaallu) aallereeqqullusi, Air Greenland allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER