Norsap taartissaa suli nalornissutigineqartoq
Air Greenlandip timmisartup qanoq ittup ingerlatseqatigiiffiup timmisartuata Airbus A330-p taartissaanik aalajangiiniarneq kinguartippaa. Check-In-.dk taama allaaserisaqarpoq.
Nuummi aamma Ilulissani mittarfiit ataatsikkut imaluunniit ataatsikkuunngitsoq sanaartorneqarnissaat pillugit apeqqut pissutigalugu, Air Greenlandip timmisartuata Airbus A330-p, Norsap, timmisartumik qanoq ittumik taarserneqarnissaanik aalajangernissaq kinguartippaa. Check-In.dk taama allaaserisaqarpoq.
Mittarfissat taakku marluk Norsap angissusaa tikillugu miffigineqarsinnaassapput.
- Aalajanginginnitsinni sanaartugassanik suliarinnittussamut aamma isumaqatigiissutip atsiorneqarnissaa aamma piffissaq pilersaarutaasoq ilisimalernissaa utaqqivarput. Mittarfiit ataatsikkut sanaartorneqassappaata, Norsaq ukiuni amerlanerni pigeqqaarsinnaassavarput, Air Greenlandip pisortaa, Jakob Nitter Sørensen, check.in.dk-mut oqarpoq.
- Timmisartorput A330 Nuummut tulluartorujussuuvoq, kisianni aallaqqaammut ilaasoqarsinnaassusaa Ilulissanut angivallaarpoq. Mittarfiillu kittaartumik sanaartorneqassappata, timmisartut minnerusut tulluarnerussapput.
Timmisartut pisiarineqarsinnaasut tassaapput A330 nutaaq aamma Boeing 787-8.
Maanna piffissamut pilersaarut malillugu sanaartugassanik suliarinnittartut juunip 14-ianni mittarfinnik sanaartornissamut neqeroorusiorsinnaapput.