Tele-Post
Normunik paasiniaasarfiup ammasaarfiit allanngortippai
Normunik paasiniaasarfimmut 118-imut sianertut ikiliartuinnarput. Tele-Postip taamaattumik normunik paasiniaasarfiup ammasarfiinik allanngortitsiniarluni aalajangerpoq
Nunatsinni innuttaasut maannamut normunik paasiniaasarfimmut ulloq unnuarlu sianerlutik paasiniaanissamut periarfissaqartaraluarput.
Kisianni Tele-Postip maanna ammasarfiit allanngortippai, piffissap ingerlanerani 118-imut sianertartut ikiligaluttuinnavissimammata, pingaartumillu unnuakkut sianertartut ikittuinnanngorsimallutik.
Atuaruk: Tele-Postip mobilimik atuisut sukkanerusunik atugassaqartilerniarpai
- Tele-Postip taamaattumik 118-ip ammasarfii allanngortissallugit aalajangerpaa, tassalu telefonit nalunaaqutaq 6.00-imiit nalunaaqutaq 18.00-ip tungaanut ammasalissapput. Ammasarfiit avataatigut Tele-Postip normunik paasiniaavia telepost.gl-imiittoq iserfigineqarsinnaavoq, ingerlatseqatigiiffik pisortanit pigineqartoq tusagassiuutinut nalunaarummi allappoq.
Video aammalu telefoni atorlugu ataatsimiinnerit 118-ikkoortut annikillisinneqassapput, taamaalillutik ammasarfiit nutaat atuutilerneranniit kingusinnerpaamik nalunaaqutaq 18.00 naammassisimasassapput.
Ajornartoornermi attaveqarnerit 112-imut imaluunniit politiit vagtcentraliannut innersuunneqartassasut, aamma ilisimatitsissutigineqarpoq.
Atuaruk: Tele-Post avannaani pisiniarfittaarpoq