Skip to main content

Norge: Umiarsuit takornariartaatit mianersoqqussutigineqartut

Norgemi umiarsuit takornariartaatit ingasappallaalernialerput. Najugaqartut inuuniarnerisa pitsaassusaannik aseruisarput, tamanna oqaatigineqarpoq.

Umiarsuarnik takornariartaatinik ataatsikkut takornariartartorpassuit Norgep tusaamaneqarnera akorngusissavaa, illoqarfinnilu umiarsuarnik takornariartaatinik tikinneqartartuni innuttaasut inuunerlunnerulerput.

Norgemi nuna tamakkerlugu peqatigiiffik NHO Reiseliv, ilaatigut suliffeqarfinnut takornariaqarnermik aamma silami sammisassaqartitsinermik soqutigisanik sammisaqartoq taama mianersoqqussuteqarpoq.

- Sumiiffinni ataasiakkaani piffissami ataatsimi ukiup ingerlanerani takornariarpassuaqartarnermik ajornartorsiuteqarpugut, taakkulu annerpaartaat umiarsuarnut takornariartaatinut attuumassuteqarput, NHO-mi pisortaq, Kristin Krohn Devold, norgemi TV 2-mut sapaammi unnukkut taama oqarpoq.

Inuppassuit ataatsikkut takornariartarnerat Norgemi illoqarfiit tusaamasaanerat ajortumik sunnissagaat, taanna isumaqarpoq. Taassuma Italiami Venedigimi aamma Spaniami Barcelonami pissutsit atuutilernissaat ernumassutigaa.

Tassani najugaqartut takornariat amerlavallaat qatsuppaat, taakku inituallaarlutillu attaveqaqatigiinnermut nungullarsaataallutillu avatangiisinut allannguititsisarput.

Umiarsuarnit takornariartaatinit aningaasat amerlanngitsut

Ataatsikkorsuaq takornariartarnermik oqartarneq, angalaffissat piffissap ilaani takornariaqartorujussuarnut atorneqartarpoq, taamaattoqarneranilu najugaqartut inuunerissaarnerat appariaateqartarpoq, takornariallu angalanerminni pitsaanngitsumik misigisaqartarlutik.

NHO-mi pisortap aamma oqaatigaa, umiarsuarnik takornariartut Norgemut naammattumik aningaasaliineq ajortut.

- Allat ungasissumik biilimik aggertut, sapaatip-akunnera akunnittarfimmiinniartut, aningaasarpassuarnik atuisarput. Kisianni umiarsuit takornariartaatit pissutigalugit aggersinnaanngingajapput, Devold oqarpoq.

Ukiuni arfineq-marlunni kingullerni umiarsuarnik takornariartaatinik Norgemi umiarsualivinnut tikillutik takornariartartut amerlassusaat, inunnik 1,5 millioningajannik amerleriarput, imaluunniit 56 procentimik.

Cruise Norway naapertorlugu ukioq manna umiarsuarmik takornariartaammik Norgemut takornariartut 4 millioniunissaat naatsorsuutigineqarpoq.

Umiarsualiviit nuannarineqarnerpaat tassaapput Bergen, Geiranger, Stavanger, Ålesund, Flåm, Romsdalsfjorden, Tromsø, Nordfjord, Nordkapp aamma Oslo.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER