Uuliasiorneq
Norgemi naalakkersuisut Greenpeace-p eqqartuussivimmut suliassanngortinneqartut
Uuliasioqatigiiffiit Norgep Issittumi pigisaata ilaani ukiuni 20-t ingerlanerini siullerpaamik uuliasiorlutik qillerisinnaanerannik Norgemi naalakkersuisut akuersinerat akuerineqarsinnaasariaqanngikkaluarpoq.
Avatagiiseq sequtserneqassaaq Norgemilu tunngaviusumik inatsimmut Parisimilu isumaqatigiissummut naapertuutinngilaq, Greenpeace taama isumaqarpoq.
Taamaammat avatangiisinik illersuiniaqatigiiffiup Norgemi naalakkersuisut eqqartuussivimmut novembarip 13-iani suliassanngortippaat.
Norgemi tunngaviusumik inatsimmi paragraf 112, avatangiisit peqqinnartuunissaannik aalajangersaaffiusoq, 2014-imi allanngortinneqarlunilu sukateriffigineqarpoq. Inuttullu pisinnaatitaaffiit pillugit kapitalimut taamani ilannguneqarluni.
Uuliasioqatigiiffiit 13-nit
Uuliasioqatigiiffiit katillugit 13-it, ilaatigut Statoil, Barentsip imartaani uuliasiornissamut akuersissummik naalakkersuisunit tunineqarsimapput.
Norgemi tunngaviusumik inatsimmi avatangiisit pillugit aalajangersakkat nutaat Parisimilu isumaqatigiissut aatsaat eqqartuussivimmi siullerpaamik tunngavilersuutiginiarneqartussanngorput.
/ritzau/