Skip to main content

Nordvestpassageakkut umiarsuarmik angalaarneq siulleq

Amerikarmiut umiarsuaataat Crystal Cruises nordvestpassageakkut angallasserngaassaaq. Aqqutaani Ilulissat, Sisimiut aamma Nuuk tikinneqassapput

Umiarsuaatileqatigiiffik Crystal Cruses siullersaalluni nordvestpassageakkut angallassissaaq. 

Maritimedanmark.dk allappoq. 

Umiarsuarmik angalaneq Alaskamit illoqarfimmit Anchorageimit aallartissaaq, Nordvestpassageakkooriarluni Nunatsinnut umiarsuaq aqqusaassaaq, tassanngaanniillu New Yorkiliassalluni. Tamanna 2016-ip aasaanerani pissaaq. 

- Umiarsuarmik angalanermi pinngortitaq kusanartoq aqqusaarneqassaaq, kulturit assigiinngitsut takuneqassallutik. Umiarsuarmi pitsaanerpaamik sullissisoqassaaq, tamannalu Crystal Cruisesimi anguneqarsinnaavoq, umiarsuaatilioqatigiiffimmi pisortaaneq Edie Rodriguez oqarpoq. 

Nunatsinni illoqarfiit tikinneqassasut
Crystal Cruises Kodiakimit allaruni Dutch Harbor, Nome, Ulukhaktok, Cambridge Bay, Pond Inlet, Ilulissat, Sisimiut, Nuuk, Bar Harbor, Boston, Newport aamma New York ullut 32-t iluini aqqusaassavai. 

Aquttut immikkut ilinniarsimasut umiarsuarmi aquttorineqassapput.

Nordvestpassageakkut angalarngaarnissami inummut ataatsimut 19.755 dollarsinit aallartittumik akeqassaaq, tamanna crystalcruises.com-imi atuarneqarsinnaavoq. 

Umiarsuaq Crystal Serenitymik atilik angalassaaq, aggustip 16-anit septembarip 17-ata tungaanut 2016-mi angalassasoq naatsorsuutigineqarluni. 

Umiarsuup angallavissaa assini takuneqarsinnaavoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER