Nordisk Koncertkor Islandimukalersoq

Nordisk Koncertkor nunat avannarliit festivalertitsinerannut Nordklang-imut, nunani avannarlerni ukiut pingasukkaarlugit ingerlanneqartartumut siullermeerlutik peqataalerput. Ukioq manna festivali Islandimiittumi Reykjavikimi ingerlanneqassaaq.

korimit qilanaarineqarpoq, ukioq manna Islandimiittumi Reykjavikimit festivalertitsisoqarnerani erinarsoqatigiinnik allanik attaveqaateqalernissaq. Nordisk Koncert

- Nunani avannarlerni erinarsoqatigiittartunut Kalaallit Nunaata peqataatinneqarnissaanut pissangallutalu qilanaarpugut.

Nordisk Koncertkorimi siulittaasoq Zenica Gosvig Larsen taamatut oqarpoq.

Islandimiittumi Reykjavikkimit ukioq manna festivalertitsinissamut Kalaallit Nunaata siullermeersumik peqataatitaqarniarnera nalunaarutigineqarmat taanna taamatut oqarpoq.

Festivali Nordklang juunip 29-aniit juulip aappaa ilanngullugu ingerlanneqassaaq.

Festivali nunani avannarlerni erinarsoqatigiit erinarsoqatigiinnillu aqutsisut 1971-imili katersuuffigisarpaat.

Julie Berthelsen aamma Nina K. Jørgensen

Nordklangimit ilaatigut neqeroorutigineqarpoq, nutaaliorneq allannguisinnaanerlu, taakkununnga ilanngullugit erinarsoqatigiit tusarnaartitsinissaannut allatut periuseqarluni aaqqissuussisinnaaneq ukkataralugit workshoppertitsinissaq.

Nordisk Koncertkorip ukioq manna workshoppertitsinissaq, Here’s to the North-imik taaguuserneqarsimasoq peqataaffigissavaa, tassani Islandimi, Kalaallit Nunaanni Danmarkimilu pop-imik nipilersuutitalimmik tusarnaartitsisoqarnissaa sammineqassaaq. Ilaatigut Julie Berthelsenip aamma Nina Kreutzmann Jørgensenip Melodi Grand Prix-imi erinarsugaat, League of Light, tusarnaartitsissutigineqassalluni.

Erinarsoqatigiit aamma erinarsoqatigiit allat peqatigalugut taallaq ‘Qujavunga’ pillugu erinarsornissamut akuerineqarsimapput.

Attaveqaateqalersinnaaneq

Festivali naggaserlugu Reykjavikkimi nipilersortarfimmi Harpa-mi atatsimoorluni tusarnaartitsisoqassaaq, tassani workshoppertitsinerni assigiinngitsuni erinarsoqatigiit erinarsorsimasaat suliarisimasaallu tusarnaartitsissutigineqassallutik.

- Festivalit unatut ittut erinarsoqatigiinnik nipilersortartunillu allanik attaveqaateqalernissamut periarfissatsialaavoq, tassani siunissami suliutissat eqqarsaatigalugit aamma kulturikkut misilittakkanik Kalaallit Nunaanni atorneqarsinnaasut eqqarsaatigalugit, siulittaasoq Zenica Gosvig Larsen oqarpoq.

Nordisk Koncert juulip arfernani Danmarkimut ingerlaqqilluni Københavnimiittumi Nordatlantisk Bryggemi tusarnaartitsissaaq. Nordisk Koncert aamma Nuummi ukiamut tusarnaatitsinissamik pilersaaruteqarpoq.

Powered by Labrador CMS