Skip to main content

Nordic Futsal Cup-imut unamminissamut unammisartut 18-it toqqarneqarput

Futsalimi unammersuaarneq Finlandimi ingerlanneqassaaq, peqataanissamullu unammisartut 18-it toqqarneqarput

Nordic Futsal Cup Finlandimi illoqarfimmi Turku-mi ukioq manna ingerlanneqassaaq. Tassani nunanut allanut unammisartut peqataaqqissapput.

Novembarip 29-anit decembarip pingajuat ilanngullugu unammersuaarneq ingerlanneqassaaq, tassungalu peqataanissamut nunanut allanut unammisartunut sungiusaasut unammisartut 18-it toqqarpaat.

Septembarimi nunanut allanut unammisartut Kroatiami unamminerni peqataapput, taamatullu KAK aaqqissuussaanik marloriaq Nuummi katersuutinneqarput, unammitinneqartarlutillu sungiusaatigalugu.
 
- Suliniuteqaannaavippugut, arsartulli arlallit ajoraluartumik anniaateqarlutik ajoquteqarput inissisimaffinni pingaaruteqartuni, ilaallu ilaaniaratik nalunaarsimallutik kisianni naatsorsuutigaarput pointinik pissarsiniarluta unamminerni, silatusaarnikkut ullugissaarnikkullu. Iluatsitsilaarnikkut sukataarluarnikkullu ujaminik ajugaanissaq qularnanngilaq, kisiannili tamaviaarnissatsinnut piareeqqavugut.
Unammerit taamaattut misilittagaqarfigaagut, ineriartornissamut tunngavilersuisuussapput. Ukioq manna eqqarsaatigalugu nikeriarsimanerput siumut ingerlasimavoq, unammisartuutigut amerlanerit takutitsilluaqattaarput, nunanut allanut unammisartunut sungiusaasut Rene Olsen aamma Tekle Ghebrelul tusagassiutinut nalunaarummi oqarput.
 
- Unammisassagut imaannaanngillat, kingullermik Norgemut septembarimi ajorsarpugut, massakkullu unammeqqittussaallugit. Danmark Kinami oktobarimi sakkortuumik unamminerminni nr. 2-tut inisseqqammerpoq. Sverige VM-mut ingerlaqqinnikuuvoq, Europamilu 32-tut pitsaanerpaanut ilaalluni, Finland tupaallannartumik Elite Roundimut oqaluttuarisaanermi ilaalerlutik Europami 16-nit pitsaanerpaat akornaniillutik, taamaammat unamminerit sakkortunissaat qularnanngilaq, oqarput.

Toqqarneqartut:

Måliniittut:

Malik Mikaelsen 

Henning Bajare

Arsaattut:

Patrick Frederiksen 

Kunuuteeraq Isaksen 

Marco Leibhardt

Viggo Høy 

Katu Madsen

Philip Holmene

Søren Kreutzmann

John Ludvig Broberg 

Frederik Funch 

Rene Eriksen Petersen

Kent Jeremiassen 

Christian Bohmann Knudsen 

Mikki Brønlund 

Malik Juhl

Nikki Petersen

Ilataannguaq Mørch

Ajoqquseqqasut peqataasinnaanngitsullu:

Malik Hermarij

Bastian Rosing

Kaassannguaq Zeeb

Lars Erik Reimer

Nick Reimer

Markus Jensen

Karsten M. Andersen

Kaali Lund Mathæussen

Nukannguaq Zeeb

Niklas Thorleifsen

Ari Hermann

Niklas Thustrup Johansen

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER