Nordic Cup: Futsal-imi nunanut allanut unammisartut ujaminnannissaq anguniarpaat
Futsalimi nunat avannarliit unammiuaarnerat Nordic Cup Sverigemi qaammatip tulliani ingerlanneqassaaq. Nunatsinnit peqataasussat takukkit.
Futsalimi kalaallit nunanut unammisartui Nordic Cup-imi peqataassapput. Unammersuaarneq Karlskrona-mi Sverigemi ingerlanneqassaaq decembarip 15-anit 19-at ilanngullugu.
Uku peqataassapput: Danmark, Sverige, Norge kiisalu Kalaallit Nunaat. Nordic Cup-imi kingullermi ingerlanneqartumi ajugaasut Finland EM-eqataanissartik pissutigalugu peqataassanngillat.
- Suli ineriartorpugut, aamma inuusuttorpassuarnik maanna peqataasoqassaagut. Inuusuttut A-hold-imut ikaarsaarnissamut qanilliartorput. Unammisartut sukataassapput pointinnassagutta. Unammersuaarnermit ujaminnassinnaanerput anguniarparput, KAK ilisimatitsivoq.
Unammisassat pikkorissut
Coronavirusi peqqutaalluni Nordic Cup ukioq kingulleq ingerlanneqanngitsoorpoq.
- Pikkorissunut unammissaagut. Unammisassagut liga-minni unammiuaarnerat ataavartuuvoq, tassuuna kinguussaaqqasinnaavugut. Svenskit inuussutissarsiutigalugu unammisartoqalernikuupput, taakku unammisassatsinni pitsaanerpaajussasut naatsorsuutigaarput, KAK ilisimatitsivoq.
Toqqakkat:
- Peter Berthelsen
- Malik Mikaelsen
- Lars Erik Reimer
- Katu Madsen
- Niklas Thustrup Johansen
- Karsten M. Andersen
- Kent Jeremiassen
- Nick Reimer
- Phillip Holmene
- Henrik Kleist
- Niklas Kleist
- Karl Louis Sandgreen
- Patrick Frederiksen
- William Gantzhorn
- Niels Patrick Jensen
- John-Ludvig Broberg
- Viggo Høy
- Bror Bernhardsen
Paarlatsissamaatit:
- Nick Hermansen
- Aputsiaq Andersen
- Rass Abelsen
- Henning Bajare