KL

DK

se billeder

Nordatlantisk Hus nalliuttorsiorpalaartumik atoqqaarfissiorneqarpoq

Atlantikup avannaamiui ileqqulersuutiminnik sunik tamangajannik takutitsipput Nordatlantisk Hus nuannersumik ammarnersiorneqarmat

Nordatlantisk Hus-ip ammarnersiorneqarnerani allunaasat kipineqarput. Ass.: Knud Fl. Larsen
Ammaannavissoq ussattorpassuaqarpoq. Assimi ilaatigut takuneqarsinnaapput Odensep borgmesteria Anker Boye, Nordatlantisk Husip pisortaa Kirsten Mærsk Nordatlantiske Hus-illu siulittaasua rådmand Steen Mæller.
Edward Fuglø-p iikkami qalipakkani kusanartoq oqaluttuaraa.
Inuiattut assuutit atorneqarput.
Nunat avannarliit erinarsoqatigiissui appilerput.
Odensep umiarsualiviani erfalasut sisamat erfalapput.
Inuiattut assuutit atorneqarput. Knud Fl. LarsenNunat avannarliit erinarsoqatigiissui appilerput. Knud Fl. LarsenOdensep umiarsualiviani erfalasut sisamat erfalapput. Knud Fl. LarsenNordatlantisk Hus-ip ammarnersiorneqarnerani allunaasat kipineqarput. Ass.: Knud Fl. Larsen Knud Fl. LarsenAmmaannavissoq ussattorpassuaqarpoq. Assimi ilaatigut takuneqarsinnaapput Odensep borgmesteria Anker Boye, Nordatlantisk Husip pisortaa Kirsten Mærsk Nordatlantiske Hus-illu siulittaasua rådmand Steen Mæller. Knud Fl. LarsenEdward Fuglø-p iikkami qalipakkani kusanartoq oqaluttuaraa. Knud Fl. LarsenInuiattut assuutit atorneqarput. Knud Fl. LarsenNunat avannarliit erinarsoqatigiissui appilerput. Knud Fl. LarsenOdensep umiarsualiviani erfalasut sisamat erfalapput. Knud Fl. LarsenNordatlantisk Hus-ip ammarnersiorneqarnerani allunaasat kipineqarput. Ass.: Knud Fl. Larsen Knud Fl. LarsenAmmaannavissoq ussattorpassuaqarpoq. Assimi ilaatigut takuneqarsinnaapput Odensep borgmesteria Anker Boye, Nordatlantisk Husip pisortaa Kirsten Mærsk Nordatlantiske Hus-illu siulittaasua rådmand Steen Mæller. Knud Fl. LarsenEdward Fuglø-p iikkami qalipakkani kusanartoq oqaluttuaraa. Knud Fl. Larsen
Knud Fl. Larsen

Naggataa tikillugu iluarsisassat sukujuppassuit naammassiniarneqarput, oqaluttualialli nuannersutut tamatigut inerneqartarnerasttut naggataatigut suut tamarmik iluatsipput.
Ullumi Odensemi Nordatlantisk Hus ammarnersiorneqarpoq. Oqaluttualiaavorlu piviusoq assigiinngitsorpassuarnik saqqummersitsiviullunilu misigisaqarfiusoq. Ullaarnganiit illorsuaq kusanartorsuaq inunnik ulikkaavippoq. Inuppassuillu takuaat Nordatlantisk Hus sunut atorneqarsinnaanersoq.
Nunat sisamat
Kalaallit Nunaat, Island, Savalimmiut Danmarkilu tamarmik pitsaanerpaamik nittarsaanneqarput. Soorunalumi allunaasanik sisamanik kipisisoqarpoq, aammalu soorunami Odensemi umiarsualivimmi erfalasut erfalapput.
Soorunamilu pisarnertut pisortatigoortumik oqalugiartoqarpoq. Atoqqaarfissiortitsinermi oqalugiarpoq Nordatlantisk Hus-ip siulittaasua rådmand Steen Møller, kingornalu oqalugiarput Odensep bordgmesteria Anker Boye, nunap immikkoortuani siulittaasoq Carl Holst, Kalaallit Nunaata Danmarkimi sinniisoqarfiani pisortaq Tove Søvndahl, Savalimmiut sinniisoqarfianni pisortaq Sigmundur Isfeldt Islandillu kulturimut ministeria Illugi Gunnarsson.
Aaqqissuussinerit
Eqqumiitsuliortut kattuffiat Kimik eqqumiitsulianik saqqummersitaat North Atlantic Greeting ammarneqarpoq. Islandimiut hiistii Arnar aamma Dadi aliikkusersuipput. Atlantikup avannaani erinarsioqatigiissuit 70-.inik ilaasortallit erinarsorput. Kalaallit tivanermik uaaeernermillu takutitsipput, soorunamilu savalimmiormiut qittasiminnik takutitsilutik.
Nordatlantisk Hus-ip saavani ikerasammi qaannamik takutitsisoqarpoq savalimmiormiullu umiatsiartik iputtagaq qanoq atorneqartarnersoq takutippaat.
Nordatlantisk Hus-ip qulaani Byens Ø-mi ikaartarfimmi assinik saqqummersitsineq Nordatlantens Ansigter isiginnaarneqarsinnaavoq. Inuit 39-it atlantikup avannaaneersut assingi. Ikaartarfik suli atserneqarsimanngilaq, ullorli iluatsilugu Nordatlantisk Bro-mik ateqalernissaa periarfissatut taaneqarpoq. Inimi saqqummersitsivimmi teqeqqumi Benny Nybo-p Nordatnlantiske Billeder saqqummersippai.
Sermimik ilusilersuisup Morten Møllerip Nordatlantsik Husip saavani iluliaq Ilulissaneersoq eqqumiitsuliaralugu qiperorpaa. Isiginnittuni ussatigineqarpoq: – Qanormitaava sivisutigisumik atassava?
Alutornarnerpaaq
Nordatlantisk Hus-imi alutornersaagunarpoq savalimmiormiup eqqumiitsuliortup Edward Fugløs-ip init quleriit siullianni ataatsimeersuartarfimmi iikkami qalipagaa. Edward Fuglø Savalimmiuni Klaksvig-imeersuuvoq, qalipagaalu Klaksvig Kommunemit tunissutaavoq.
Kalaallit Illuutaanni sulisut init quleriit siullianni siunissami sulinissaminni allaffigissaarput, ataatsimullu isigalugu Nordatlantisk Hus pisortap Kirsten Mærkip oqarneratut tassaavoq nunaqarfik illoqarfimmiittoq:
– Nunaqarfiuvoq illoqarfimmiittoq. Danmarkimi allami illumik taamaattumik peqanngilaq, inissiartalimmik, kulturimut illorsuartalimmik neriniartarfilimmillu.
Nordatlantisk Husip atulerneratigut Odensemi kulturisiornikkut qaffariangaatsiarp9oq.

nunatsinnit assit kulturi
Powered by Labrador CMS