Skip to main content

Timmisartortartut qasoqqasut nakorsat tupassimaarutigeqaat

Danskit timmisartortartut sulinerminni atugarisaat qaquguluunniit ajutoornissamik kinguneqartitsisapput, taamatut mianersoqqusipput timisartortartut nakorsaat

Timmisartortartut nakorsaat danskit timmisartortartuisa sulinerminni atugarisaat pillugit assut tupaallassimapput mianersoqqussutigalugulu ullut unnuallu suliffiit sivisuut timmisartumi ilaasut isumannaatsuunissaannut akornutaanerat, Politiken ataasinngornermi taamak allaaserisaqarpoq.

- Iluatsitsinerinnaavoq timmisartumik danskit timmisartortartuannit qasungaarami ajornartoornermi eqqortunik aalajangiisinnaassuseerussimasumit aqunneqartumik suli nakkartoqarsimanngimmat.

- Piffissaq apeqqutaaginnalerpoq ajutoornersuaqarnissaanut, nakorsaaneq Mogens Tangø Rigshospitalimi Flyvemedicinsk Klinikimeersoq oqarpoq.

Mianersoqqusineq pivoq Politiken danskit timmisartortartui timmisartuni ilaasortaatini sinilertarmata kukkorujussuartarnerallu, ajornerpaamik pisoqarpat nakkartussani, pillugit allaaserisaqarmat.

Flyvemedicinsk Klinikip timmisartortartut peqqissusiat ukiumut ataasiarluni misissuiffigisarpaat. Qasusarnerat paasisaqarfigerusullugu aviisip kajumissaarineratigut klinikip timmisartortartut 61-it aqqi ilisimaneqanngitsut misissuiffigaat.

Akissutaasa takutippaat timmisartortartut ullukkut unnuakkullu nikerartumik sulisartut aammalu timmisartortartut tassani misissuinermi peqataasut sivisuumik nikerartumillu sulisarnertik timmisartornermi sillimaniarnermut annertuumik ajoqutaasinnaasutut isigigaat.

Timmisartortartut apersorneqartut agguaqatigiissillugu qaammammut ulluni arfineq marlunni piffissami 23 - 7-p akornanni eqqumasariaqartartuupput.

Allat akipput qaammammut ulluni 15-ini, 17-ini aamma 18-ini unnuakkut timmisartortussatut sulisinneqartarlutik.

Suliffiit nikerartut timmisartortartunik qasutitsisarput, taamaalillutik mianerisassatik sianiginngitsoortarlugit kukkullutik.

Apersorneqartut 61-iusunit 33-t ukiuni kingullerni tallimani qasunertik pissutigalugu ajutoornissamik kinguneqarsinnaasumik ataasiarlutik arlaleriarlutilluunniit misigisaqartarsimanerarput.

- Ilisimavarput timmisartortartut artornartumik suliffeqartut. Kisianni qanoq tamanna ajortiginersoq paasisimanngilarput. Taamaattumik pisariaqarluinnarpoq mianersoqqusinissarput, nakorsaaneq Mogens Tangø oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER