Skip to main content

Tele Greenland amerlanerusunik sinneqartoorpoq

TELE Greenland A/S-imi siulersuisut ulloq apriilip 13-iani 2011 ataatsimiinnerminni sulifeqarfissuup 2010-mut ukiumoortumik nalunaarusia akuersissutigaat

Suliffeqarfissuup akileraarutit ilanngaatiginagit 2010-mi naatsorsuutitigut angusarai katillugit 69,5 mio. kr.-iupput 2009-mi akileraarutit ilanngaatiginagit 63,6 mio.kr.-iullutik, tamannalu 5,9 mio. kr.-inik pitsanngoriaataavoq imaluunniit 9 %-inik siuariarnerulluni. Avammut tunisaqarneq 2010-mi 164 mio. kr.-inik aningaasartaqarpoq, 2009-mut sanilliussilluni 13 %-imik siuariarnerulluni. Ingerlatseqatigiiffiup piginnittumut, Namminersorlutik Oqartussanut, iluanaarutiminit 32 mio. kr.-inik agguagarsititsinissaa naatsorsuutigineqarpoq, Tele Greenland tusagassiuutitigut nalunaaruteqarluni allaaserisaqarpoq:

Niuernermik ingerlatsiviup Telep akileraarutit ilanngaatiginagit naatsorsuutitigut angusai 58,6 mio. kr.-iupput, 2009-mi 57,9 mio. kr.-iullutik, tamannalu 1,2 %-inik siuariarneruvoq. Ilanngaaseereerluni kaaviiaartitat 6,5 %-inik annertuseriarput, 2009-mi 638,7 mio. kr.-iniit 2010-mi 680,1 mio. kr.-inut.

Imaatigut kabeli

2010 tassaavoq ukioq siulleq imaatigut kabelimut Telep aningaasaliissuteqarnermini aningaasaqarnikkut tamakkiisumik sunnerneqaatigisaa, tamatumunngalu ilanngunneqassapput decemberimi imaatigut kabelip ajoquteqalernerata iluarsaanneqarneranut aningaasartuutigineqartut 7 mio. kr.-it. Naak imaatigut kabelip aningaasartuutigineqarnera 2010 tamakkerlugu ingerlatsinermut aningaasartuutinut ilaagaluartoq, taamaattoq naatsorsuutigut angusat 2009-mi angusanut assingupput.

Imaatigut kabelip niuernikkut iluaqutaasinnaaneranut ilimagisat ilumoorsimapput, internetillu atorneqarnerata suli qaffakkiartornera takuneqarsinnaavoq. Taamaammat 2011-mi apriilimi internetikkut nioqqutit nutaat TELEp saqqummiuppai aammalu akit appaavigalugit atuisunut 25 mio. kr.-inik sipaaruteqarfiusut.

- Tele piffissami matumani ineriartorluarpoq, attaveqaammik annertusaaneq akisooq aningaasaliiffigisinnaallutigu atuisullu pitsaassutsimik suli pitsaanermik atuisinnaatillugit, piginnaasamik annerusumik atugassaqartillugit akigitinneqartullu appasinnerusut periarfissaatillugit, siulersuisut siulitaasuat Agner N. Mark oqaaseqaateqarpoq.

Allakkerivik

Niuernermik ingerlatsiviup Postip 2010-mi akileraarutit ilanngaatiginagit naatsorsuutitigut angusai 9,3 mio. kr.-iupput, 2009-mi 7,9 mio. kr.-iullutik. Angusaq pitsaasoq tamanna anguneqarpoq naak suliaqarfinni pingaarnerni tamangajanni sakkortuumik unammillerneqaraluarluni aammalu allakkat poortukkallu ikiliartortuaraluartut.

Bestyrelsesformand Agner N. Mark glæder sig over udviklingen i Post.

Siulersuisuni siulittaasup Agner N. Mark-ip Postimi siuariartorneq nuannaarutigaa.

- Assorsuaq unamminartuuvoq suliffeqarfimmik ingerlatsinerup nassiussatigut taama annertutigisumik ikiliartorfiusup ineriartortinniarnera, tamannali Postip qujanartumik aningaasartuutinik naleqqussaanermigut, naammassiuminarsaanertigut kiisalu annertunerusumik nammineertumik ingerlatsinernik atuinerulernertigut imminullu sullinnerit atulernerisigut iluatsippaa, siulittaasoq oqarpoq.

Ukiumoortumik nalunaarusiaq naatsorsuutitigullu angusat ingerlatseqatigiiffiup ulloq 17. maaji 2011 ataatsimeersuarnerani kikkunnut tamanut saqqummiunneqassapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER