Avataani uuliasiornissamik pilersaartit saqqummiuneqangajalerput
Siunissami uuliasiornissamut Qaasuitsup Kommunia piareersarpoq
Aasianni inuussutissarsiornerup ineriartortinnissaanik kiisalu suliffeqarfiit avataani uuliasiornermut attuumassutilit sananeqarnissaannut toqqaviit soqutigineqarnerujussuisa takutippaat, Qaasuitsup Kommunia siunissami ineriartortitsinissamut piareersaleruttortoq. Qaasuitsup Kommuniata nittartagaani tamanna atuarneqarsinaavoq.
Suliffeqarfiit avataani uuliasiornermut attumassutillit siuarsarnissaanni nunaminertarujussuarnik pisariaqartitsisoqarmat, piumasaqaateqarnerlu tamana naammassisinnaaniarlugu Qaasuitsup Kommuniata ataatsimut pilersaarusiortariaqarnera takuneqarsinnaavoq.
Taamaammat siliassaq tamanna aallartinniarlugu ukiup kingulliup ingerlanerani Aasianni ingeriartortitsisoqarsimavoq. Taamatut suliniuteqarnerup kommunimi sumiifinni allani aallartisarnissaa aningaasaliisartunit pisariaqartinneqalissappat suliap taakkunani aamma ingerlanneqarsinnnaanera sulssutigineqarpoq.
- Suliffeqarfissuit nunanit allaneersut angisuut suleqatigilertussaangatsigit piginnaasaqarluarnissarput assigiinngitsunillu periarfissaqartitsinissarput pisariaqarpoq. Taamaammat uagutsiniut piumaffiginninneq annertoorujussuuvoq, piareersarlualereerpugulli, Nick Nielsen, Sanaartornermut, Avatangiisinut Angallannermullu Ingerlatsivimmi pisortaasoq oqarpoq.
Taassuma nassuiaatigaa, kommunimi assigiingitsutigut piareersartoqartoq. Assersuutitut taavaa, kommunimi sulisut ingerlatsivinni assigiinngitsuneersut aatsitassaqarnermut tungasunik suleqatigiissinneqartut, kiisalu Aasiani sumiiffinnilu allani aningaasaliisartut soqutiginnileraluarpata neqeroorfigisinnaaniarlugit, maanna nunaminertarujussuarnik neqerroruteqarsinnaanissaq anguniarlugu suliarinnitussarsiortoqartoq.