Skip to main content

Greenpeace-p Cairn siornartorsiorpaa

Avatangiisit illersroniarlugit piumasaqaatit Cairn-ip naammassinngilai, taamatut Greenpeace ullumi tusagassiuutinut nalunaarummini allappoq, tassanilu aamma avataani qillerivimmut Leiv Eriksson-imut qallornertik nassuiaateqarfigalugu

"Greenpeace-p avataani qillerivik Issittumukartoq unitsippaat", taamatut Greenpeace qulequtsiilluni tusagassiuutinut nalunaaruteqarpoq.

Qillerivilli unitsinneqanngilaq. Kalaallit Nunaannut ingerlaqqippoq, Greenpeace-meersullu ullumi akornusersuiniarnertik unitsiinnarpaat.

Greenpeace-li tusagassiuutinut nalunaarummini allappoq:

Tyrkia, 22. april 2011 - nal. 5.04 Ullaaq manna suliniaqatigiit aqqanillit Greenpeace-meersut avataani qillerivik Leiv Eriksson Istanbul-ip avataaniittoq ikaarfigaat. Qillerivik 53.000 tonsitut oqaimaatsigisoq Besiktas-ip umiarsualivianiit Kalaallit Nunaannukarluni ippassaq aallarpoq, tassani avataani qillerivik alla peqatigalugu Cairn-ip uuliaiornerani misiliummik qillerisassalutik. Greenpeace-meersut umiatsianiit gumminiit allagartarsuit niinngarpaat, allaffigisimasut "Issittumik aserorterineq unitsilli" (Stop Arctic Destruction) naminnerlu ullunut arlalinnut peqqumaaserlutik qilleriviup qaarpiaanut inissillutik, taamatut tusagassiuutinut nalunarummi allassimavoq.

- Uuliamik nassaarniarneq uivernertut pissuseqarluni ingerlanneqarpoq. Uuliasiortut avatangiisit illersorniarlugit piumasaqaatit tamaasa suusupagaat, nunarsuatsinni uuliap nunngutaava pissarsiariniarlugu, tamannalu pinngortitamut akisoqaaq. Pilikanit amerikap kangerliumarngani, maannakkut ukioq ataaseq qaangiutiinnartoq uuliasiorfiit Issittumi qillerinialereerput, Helene Hansen, Greenpeace-mi suliniaqataasoq Leiv Eiriksson-ip qaavaniit nalunaarpoq.

- Silaannaap allanngoriartornera pissutigalugu uulia qallorneqartoq tamaat atorsinnaanngilarput. Mingutsitsissutaanngitsumik isumannaatsumillu nukissiulertariaqarpugut, tamannalu ullumi pisariaqarpoq. Nunarsuatsinni silap pissusaata allanngoriartornera aseruiterujussuarsinaallugu Issittumi pinngortitaq malussajasuararsuaq imaatigut ornissanngilarput, taanna oqarpoq.

Aasaru Cairn suli avannarpasinnerusumi, ukiarnera ilanngullugu suli 2010-mi qillerinerminiit itinerusumi qillerissamaarpoq. Cairn-ip qillerinissaminut qinnuteqaataa tusarniaatigineqaqqqammerpoq, Cairn-illu avatangiisit pillugit nalilæiinermini nalunaarusiaani (VVM-imik taaneqartartumi) takuneqarsinnaavoq isumannaallisaanerit naammanngitsut. Assersuutitut taaneqarsinnaavoq, ajutooriataartoqarnissaata nalilersornerani 300 meterisut imaluunniit 1500 meterisut ititigisumi qilleriniaraanni, aammalu Nuup kujataani imaluunniit Qeqertarsuup avannaaniqilleriniaraanni piumasaqaatit assigiittut.

- Cairn-ip avatangiisit pillugit naliliinera piaaraluni eqqoqqissaartinneqaranilu suliarinerlutaavoq. Cairn-ip isumannaallisaanermik suusupaginninnera pissusileresorneruvoq akurineqarsinnaanngitsoq - minerunngitsumi 1500 meterisut ititigisumi qilleriniaraanni. Siorna USA-mi pinngortitamik mingutsitsineq aatsaat taama amiilaarnartigisoq pivoq, Deepwater Horizon aamma 1500 meterisut ititigisumi qilleritillugu uulia 700 miliuuni liiteri Mexico-p kangerliumarnganut maangaannaq maqisoortinneqarmat. Kalaallit Nunaannut avtangiisunullu navianarluinnartumik Cairn iliuuseqarpoq, Jon Burgwald, Greenpeace-mi silap pissusaa pillugu immikkut ilisimasalitut atorfilik.

Akornusersueriaraluartut aqqanillit ukunani nunaneersuupput: Danmark, Sverige, Canada, Polen, Tyskland, Slovakiet, Tyrkia kiisalu Tuluit Nunaat, tamarmillu taamatut suleriarnissaminut immikkut sungiusagaanikuullutik.

Cairn-ip qinnuteqarnerata tusarniaassutigineqarneranut Jon Burgwald-ip akissutaa atuaruk.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER