Skip to main content

A Taste of Greenland - Cool Kangaamiut torrak

Eqaluk lagiligaq, tuttu siatsivimmut siataq, mattammik salatsiliaq, umimmaap neqaa frikadeliliaq aamma helikopterimit sisorarneq ulluni kingullerni pingasuni nerisaapput misigisaallutillu

Ilanngussamik allaaserinnittuuvoq Mads Pihl, Destination Arctic Circle, tamaattumillu Sermitsiaq.AG-ip aaqqissuisoqarfiani isummertaatsitut isigineqarsinnaanani

Qulaani assilisat kusanartorsuit takunissaat eqqaamajuk.

Kangaamiuni aallertartoq traktoriuvoq ajassaataasalik. Filmiliortartut nassartapassui umiarsualivimmut avai assoruunngivillunilu qummukajaakkut kommunip allaffianut ingerlappai, tikinitsinnit minutsit qulit qaangiuttut kommunip allaffiani quleriinni allermi inissinneqarpugut.

Tamanna illoqarfissuarni akunnittarfiit ilinniarfigisariaqaraluarpaat kiffartuusisarnertillu allanngortillugu, tassami traktorimik aatillugu suliasat ingerlaannaq naammassineqartarput torraasorujussuullunilu,

Ilutigitillugu tamatta qungujuppugut tassami ulluinnarni ajornartorsiut taamak nuannertigisumik eqqarsarluartumillu naammassineqarnera nuannerpoq. Erseqqissarneqarporlu qanilaarneq aamma tikittunut inussiarnerneq A Taste of Greenlandip siullermik Kangaamiunut tikinnissamut aalajangerneranut tunngaviusoq.

Kangaamiormiut assorsuaq suliniuteqarput A Taste of Greenlandip peqatiigiiffik Kangaamiut Turisme saffigeqqaamaguli. Qinigarpummi tassaavoq Destination Arctic Circlemi tikitassaq heliskiingimik aamma nunaqarfimmi inuunermik misigisaqarfigisinnaasarput.

Qaqqat akornanni sukasuumik sisorarnerup aamma nunaqarfimmi inuunerup assigiinngissusiisa immiussineq oqimaaqatigiissippaa, Chrisilu paarlagaassilluni tamaani inuit akornanniittarlunilu aamma heliskinermik ilisimasortap Arne Hardenbergip Greenland Extreme-meersoq ingiaqatigisarpaa.

Arne tamaani nuna ilisimalluarpaa ukiuni arlalippassuarni heliskiing ingerlattarsimagamiuk, timmillluta ingerlagaangatta qaqqanik tikinneqarsimanngitsunik ujaasigaangatta pitsaanerusumik paarinissaqanngilagut. Isumaqaraanni Chris qaqqani itisuumik aputilimmi nuannaariaannartoq kaffisoruusaarlunilu, taava ulluni kingullerni qulini misilittakkat kingumut qiviarneqassapput.

Assilisani qusanartuni tunuliaqutaasuni tunngaviupput nalinginnaasumik ulapinneq A Taste of Greenlandimi inuttaasut sungiutiinnalersimasaat. Assiliisartut toqqamaviit, assiliiviit, nerisassat aamma najugassat kiisalu atisassamaatit oqimaatsut tigummiartarpaa - Chris qaqqakkut sisorarluni ammukartoq maliutigalugu. Aaqqissuisorlu Eskil malinnaasarpoq ilitsersuiutigaluni assilisallu assiliteqqittarniarlugit, taamaattumik ingerlanermi arlaleriarluni unittoqartariaqartarpoq suut tamaasa ilanngukkusullugit.

Taamaattumik assartuineq allamullu nuunnerit ikkussueqqinneq piaaqqinneq assilisat iluatsinnissaata tungaanut ingerlanneqartarput aatsaallu qasuersaartoqarsinnaalertarluni, helikopterilu tikeqqissaaq suleqatigiit qaqqap allap inngianut ingerlallugit tassanilu suna tamarmi aallaqqaatanit aallarteqqittarpoq.

Qujanartumik helikopterimik aquttoq Bjørn Air Greenlandimeersoq suli ilagaarput, taqamut iseqartutut illuni assiliisartut ikiortarpai oqanngitsulluunniit suniarnersut paasereertarlugu, tamatumalu piffissamik aamma nukippassuarnik atuilussitsitanngilaatigut.

Ulloq heliskiingerfiusoq ingerlareeraangat atortut orsertariaqartarput uagullu inuit nerisariaqartarpugut, uagutsinnullu timmisartup orsussaa juicemut akuliutissagaanni pitsaavallaanngimmat nerisassaqartariaqarpoq. Nerisassarpassuit. Ullumilu Chrisip nassuerutigisariaqalerpaa Kalaallit Nunaanni angalanermini aatsaat taamak pitsaatigisumik allanut sanilliullugu neritigigami.

Nunaqarfimmi ilaqutariinni assigiingitsunik najugarpugut kisianni ataatsimoorluta Jensine aamma Per Mott-Christiansenikkunni nerisarpugut, nalinginnaasumik ullo'qeqqanut nerisassanut ilaapput, eqaluit lagilikkat, tuttu siatsivimmut siataq, mattammik salatiliaq, umimmaap neqaanik frikadelit qallersuutissarpassuit akussarpassuillu.

Kalaallit Nunaani nerisassat pitsaanerpaat ussissagaanni manna ilaalluinnarpoq. Nerisassanik mamarsartinneqarnerput Kangaamiuni unnummi kingullermi pikkunartumik naggaserneqarpoq, takornariartitsinermut peqatigiiffiup suleqatigiittugut tamatta atuarfimmut qaaqqummatigut. Tamaani nerisassat nunaqarfiup eqqaaneersut assigiingitsorpassuit sassaalliutigineqarput erinarsortoqarluni, qitittoqarluni aamma kalaallisuunik takutitsisoqarluni.

Nalunaaquttap akunneri marlussuit qaangiuppata Maniitsoq Tour Boats angallataanik "Bolatta"-mik aaneqartussaavugut naalagaatalu Hans Nielsenip Maniitsumut ingerlatissavaatigut. Tamaani sapaatit akunnerata naanerani aqissiliarniarpugut Apussuarnilu unnuisussaalluta, qaqqallu majuvagassatta kingullersaat tamaaniippoq.

Suna tamarmi sapaatiuppat naassaaq nangeqattaartumi A Taste of Greenlandimi aallakaatitassiat pingajuanni tunuliaqutta akornanni inuunitsinni inuulluaqqussutissarput kingulleq.

Mads Pihl
Destination Arctic Circle

Nangaassuteqarnak oqaaseqaateqaatinik, isornartorsiuillutit, siunnersuillutit il. il aallaserisap ataani allassinnaavutit.

*/

Få en e-mail når der kommer nyt om A Taste of Greenland

* Email
 
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER