Skip to main content

Aaju Nordisk Råds Litteraturprisimut innersuunneqarpoq

Apriilip 12-ni Nordisk Råds Litteraturprisimik - Nunani avannarlerni atuakkiortunut nersornaasiuttakkamik - kina pinnassanersoq avammut Oslomi saqqummiunneqassaaq.

"Kakiorneqaqatigiit", atuakkiat ilagaat Nordisk Råds Litteraturprisimut innersuunneqartoq, tamanna pissaaq Oslomi apriilip ulluisa aqqaneq aappaanni. Nersornaat tunniunneqassaaq Nordisk Rådip 63-issaannik ataatsimiinneranut atatillugu Københavnimi novembarip aallartilaarnerani 2011-mi pisussaq.

Atuakkiaq Kristian Olsenip, Aajup, atuakkiaraa, oqaluttuartoq ilaqutariit isertugaataat pillugu, ilaquttat ilaannit allanneqartoq, oqaluttuarnermini nalorsitsaaruteqartoq pisup ingerlanerani pinerlunnermut tunngatillugu nalorsitsaarutinngoriartortoq.

Ilaquttat ilaata, inunnik isumaginninnermi siunnersortip, Nannap, inooqatigisaata politiip piffissami ingerlasumi imminoorsimasutut nassuiarneqartoq tupigisarsimavaa, tamatumanilu qanoq pisoqarsimanerata paasiniarnissaanut kajumissaarneqarpoq, naak qanoq pisoqarsimanera nalorninartoqanngitsutullusooq ikkaluartoq paquminartutullu isigineqarluni. Peruluutigisaminik napparsimareerluni inooqatigisaa toqoreermat Nannap aapparisimasami naggammik kissaataa piviusunngortinnialerpaa najugaqarfimmullu ornigulluni. Taamaalilluni naapippaa inatsisileritooq Linda, pisullu misissuiffigineqarunnaareersumi qanorpiaq pisoqarsimaneranik oqaluttuarluni, tunaartarisassaq tassaalluni aqqusernup aqqani normu. Aqqusernup aqqa normulu tassaapput imminoortup akulaavini kakiorneqarsimasut.

Pisup atuartoq misigitippaa soorlulusooq pissanganartumik filmerluni, pissutigalugu pisumi pineqartut arlariiusuni kingumut utertaqattaartoqartarmat, inuttai pingaarnerit peqataasullu allat Nunani Avannarlerni, Danmarkimi, Norgemi aamma Kalaallit Nunaanni angalaneranni piviusuusaartitani malinnaavigineqarlutik, atuakkortullu nunat avannarliit pingasut suleqatigiinnerat pitsaasututut, kinaassutsimik ilisarinnilersitsisutut aamma toqqissisimanartutut isiginninneranik paasisitsiniartuulluni.

Kristian Olsen Aajup atuakkiaa makku atuakkiat allat unammissavai:

Danmark
Josefine Klougart
Stigninger og fald

Harald Voetmann
Vågen

Finland
Erik Wahlström
Flugtämjaren

Kristina Carlson
Herra Darwinin puutarhuri (Herr Darwins trädgårdsmästare)

Island
Gyrðir Elíasson
Milli trjánna (Bland träden)

Ísak Harðarson
Rennur upp um nótt (Stiger upp om natten)

Norge
Beate Grimsrud
En dåre fri

Carl Frode Tiller
Innsirkling 2

Anna Hallberg
Colosseum, Kolosseum

Færøerne
Tóroddur Poulsen
Útsýni (Utsikt)

Åland
Sonja Nordenswan
Blues från ett krossat världshus

Det samiske sprogområde
Kerttu Vuolab
Bárbmoáirras (Paradisets stjerne)

Norge aamma Sverige ukioq manna toqqarsimavaat atuakkiaq ataaseq ataatsimut innersuunniarlugu, tassa norgemiup atuakkiortup Beate Grimsrudip atuakkiaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER