Skip to main content

Meeqqat kalaallillu akeqanngimik

Aarhusimi Den Gamle By - illoqarfitoq - sap. akunnerata naanerani ulluni apriilip qulingiluaani aamma qulingani immikkut Kalaallit Nunaat samminiarpaa.

Den Gamle Bymi - illoqarfitoqqami - Aarhusimiittumi kinarpiaq kalaaliunersoq qanoq takusinnaaneraat imal. nalilersinnaaneraat nalunarpoq, kisianni katersugaasivik tamanna Aarhusimiittoq nalunaarpoq kalaallit akeqanngimik isersinnaasut sapaatip akunnerata naanerani ulluni apriilip qulingiluaani aamma qulingani alakkaagunik.

Ukiuunerani feeriarnermili illoqarfitoqqamut alakkaasut allagartarsuarni kalaallit kulturiat takusinnaalerpaat, tassa kusanartuliat aamma oqaluttuat sammineqarmata. Maanna tassa sammisaq sammeqqinnialerpaa kalaallillu tamarmik akeqanngitsumik isersinnaatillugit.

- Takutikkusupparput kalaallit aamma danskit oqaluttuarisaanerannut ilaanerat. Ukiuunerani alakkaasunit paasivarput sammisarput saqqummersitsinerpullu Danmarkimut akuunermik misiginermut qanoq pingaaruteqartigisoq, taamatut oqarpoq katersugaasiviup pisortaa Thomas Bloch Ravn.

Katersugaasivik allamik immikkoortortalerneratigut 1970-ikkut aallartilaarneraneersumit piviusorpalaartumik illoqarfiup kulturianik takutitsissagaluarpoq, tassanilu oqaluttuarisaanermi kalaallit ineqarnermikkut kulturiat pingaaruteqarluinnarpoq. Ukiut tallimat iluanni Den Gamle By-mi kalaallit 1970-ikkut aallartilaarnerannni inigisaannik takutitsisumik pequtilersuiniarput. Tassunga atatillugu katersugaasivik inunnik Danmarkimi tamatuma nalaani ilinniagaqarsimasunik inissiamilu najugaqarsimasunik pissarsiorpoq.

Den Gamle Byp soqutigineruai inigisanit imaluunniit inissianit assit, taakku kalaallimit inigineqarsimasup pequsilersugassap qanoq isikkoqarnissaanut iluaqutaassammata. 1970-ikkunni kalaallinit tamanit 30 procentiusut Danmarkimi ilinniartuupput. Tassalu taakkuupput katersugaasiviup attaveqarfiginiagai.

Arfininngornermi sapaammilu takuniaasut Plakatmuseetimi naapissinnaavaat ilisimatusarnermi suleqataasoq Anne Cathrine Lorentzen paasisaqarfigisinnaallugulu suliassaq tamanna qanoq ingerlanniarneraa. Takuniaasut arlaannik ilisimasaminnik tunniussaqarniarunik - assit piumaneqarnerupput - qujarutigineqassapput.

Nalunaaqutaq 13.00 - 16.00-ip akornanni Anne Cathrine Lorentzsen Plakatmuseetimi naapinneqarsinnaavoq.

Saqqummersitsinernik aaqqissuussisarnerminimi Peder Stougaardip misigisat nuannersut aallaavigisarpai, ukiorpassuillu ingerlanneranni assilialiarsuit assigiinngitsorpassuit Nunatsinneersut 300-t sinneqartut katersorsimavai.

”Kalaallit Nunaat pillugu pitsaasut pitsaanngitsullu pillugit saqqummersitserusuttarsimavunga. Nunarujussuarmik tamatuminnga avannaaniittumik nuannarisaqarnerujussuara kalaallit erinarsuutaannit aallaaveqarpoq. Assullu attortittarpunga”, taamatut oqarpoq Dansk Plakatmuseumimi pisortaq, Peder Stougaard.

Kalaallit Nunaat pillugu assilialiarsuit nunatsinneersullu takutippaat pisut assigiinngitsut tamanit takuneqarsinnaasut. Saqqummersitsinermi takuneqarsinnaapput assilialiarsuit pinngortitaq, isiginnaartitsineq, film, eqqumiitsuliorneq, politikkikkut partiit, peqqinneq, takornariarneq aamma Brugsen pillugit assiliarsualiat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER