Skip to main content

Silaannap allanngoriartornera assiliuk 5000-inik ajugaagit

Assilisat saqqummersitsinermi taaguuserneqartumi Views from Greenland ilaatinneqarluni Issittumi Siunnersuisooqatigiit Katuami ataatsimiinnissaanni qaaqqusat akimasuut saavanni saqqummersinneqassaaq

Kuupik Kleistip, Lene Espsersen peqatigalugu maajimi Issittumi Siunnersuisooqatigiit ataatsiminnissaannut aggersaassunerani, ullormut oqaluuserisassat pingaarutillit tassaassapput silaannaap allanngoriartornera, Issittumi Inuuniarneq. Tamatumunnga aggersakkat nuimasut nunanut allanut ministerit tassaapput: USA (Hillary Clinton), Rusland (Sergey Lavrov), Canada (Lawrence Cannon), Norge (Jonas Gahr Støre), Sverige (Carl Bildt), Finland (Alexander Stub) aamma Island (Össur Skarphéðinsson) aammattaaq issittumi nunap inoqqaavisa suliniaqatigiiffiini arfinilinni aqutsisut.

Kisianni politikikkut oqaluuserisassat taamak qaffasitsigisutut isigineqartut kalaallit innuttaasut tamakku qanoq isumaqarfigaat? Qaanaami piniartoq nammineq illoqarfigisamini inuuniarneq pillugu qanoq isumaqarpa? Kujataani savaatilik silaannaap allanngoriartornera qanoq isumaqarfigaa? Kiisalu Kuummiuni innuttaasut peqqissusertik qanoq paasivaat?

- "Views from Greenland" aqqutigalugu kalaallit innuttaasut isigineqarsinnaasumik oqariartortippavut, taanna aqqutigalugu silaannaap qanoq inneranik, peqqissutsip aamma issittumini inuuniarneq pillugu isummatik saqqumiussinnaavaat. Taamaaliornitsigut neriuutigaarput innuttaasut nalinginnaasorpassuit peqataatinnissaat Issittumi Siunnersuisooqatigiit ataatsimiinninnerminni politikkertaqaqisumik oqallinnissaannut, NAPAmi pisortaq Leise Johnsen oqarpoq.

Assiliigit oqaluttuartumik Issittumi Peqqinneq, Inuuniarnermi atugassarititaasut aamma Silaannaap allanngoriartornera pillugu qanoq isumaqarnerlutit, taanna mailikkut NAPAmut nassiuguk uunga foto@tuavi.net ilanngullugit aqqit, aamma sumi najugaqarnerit.

Assilisat tamarmik Nuummi Katuami Issittumi Siunnersuisooqatigiit ataatsimiinneranni saqqummersinneqassapput, taamaalillutik politikkerit aamma atorfillit eqqumaffigilersinnaaniassammassuk kalaallit innuttaasut Issittumi Siunnersuisooqatigiit politikikkut ullormut oqaluuseriniagaannut qanoq isumaqarnersut.

Unammineq malinnaaffigineqarsinnaavoq uani www.napa.gl/fotokonkurrence, tassuuna assit ilaatinneqartut ingerlaavartumik NAPAmit takutinneqartassapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER