Skip to main content

Silaannaap allanngoriartornera pillugu ataatsimiinneq naavoq kinguneqarpiarnani

Silaannaap allanngoriartornera pillugu Bangkokimi ataatsimiinneq angusaqarfiuallaanngilaq, kisianni nunat peqataasut Sydafrikami FN-ip isumasioqatigiisitsinissaanut iluusissat isumaqatigiisutigaat

Nunat pisuut piitsullu silaannaap allanngoriartornera pillugu Bangkokimi atgaatsimiinnerat naammassimmat isumaqatigiissutaavoq FN-ip Durbanimi ukiut naalernerani isumasioqatigiisitsinissaata tungaanut iliussissat isumaqatigiissutigineqarput.

Nunarsupp kissatsikkiartornerata unikaallatsinneqarnissaanut takusssaasumik siuariartoqanngilaq. Kisianni aallartitat ullut sisamat isumaqatigiinniareerlutik naammagaat, siunissami ataatsimiittarnissanut ullormut oqaluuserisassat aalajangersarneqarnerat.

Thailandimi ataatsimiinnerup ilaani isummersortarnerni nipituuliuutigineqartarput nunat pisuut CO2-p appartinneqarnissaanut qanoq annertutigisumik peqataassanersut assortuussutigineqarluni.

Decembarimi Mexicomiittumi Cancunimi silaannaap allanngoriartornera pillugu ataatsimeersuarnerup naammassinerani, nunat pisuut aamma piitsut akunnermi isumaqatigiissuteqartarsimanerat pissutigalugu, aallartitat amerlasuut neriuuteqarlutik takkukkaluarput.

Kisianni Cancunimi oqallisigineqartut ataatsimut isigalugit oqitsuinnaapput, taakkulu Københavnimi silaannaap allanngoriartornera pillugu decembari 2009-mi ataatsimeersuarnermi iluatsinngitsoorlumi oqallisigineqartut kinnganerai.

Kyotomi isumaqatigiissut atorunnaariartorpoq ukioq manna naasussaagaami. Sulilu paatsiveeruteqqasoqarpoq isumaqatigiinngittoqarlunilu isumaqatigiissutip qanoq ingerlateqqinnissaanut tunngatillugu.

Ruslandimit aamma Japanimit oqaatigineqarpoq namminneq ilaasortaajunnaarniarlutik, Kina aamma USA imminnut pisussaaffilerlutik CO2-mit aniatitsinertik annikillisinngippassuk. Nunat taakku marluullutik tamanna kissaatiginngilaat.

- Siuariartarnerit arriitsumik ingerlasimapput, Bangkokimi USA-mit isumaqatigiinniartut pisortaata tullia; Jonathan Pershing oqarpoq.

Christiana Fiqueres, FN-ip silaannaap allanngoriartorneranut tunngatillugu pisortaata, nutaarsiassaqartitsivik dpa tunngavigalugu ataatsimiinnerup naanngitsiarnerani, nassuerutigaaa annikitsuararsuarmik angusaqartoqarsimanera, Ritzau allaaserisaqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER