Skip to main content

Siumut: Aalisarnermut inatsisissaq ullormut oqaluuserisassanit peerlugu

Naalakkersuisut aalisarnermut inatsisissaq ullormut oqaluuserisassanit peertariaqarpaat tusarniaassutigineqasimanngimmat, Aleqa Hammond allappoq

- Aalisarnermut inatsisissaq tusarniaassutigineqarsimanngilaq taamaattumillu utertinneqartariaqarpoq, Aleqa Hammond tusagassiuutitigut nalunaaruteqarluni allappoq.

Aleqa Hammond nassuiaavoq tamatumunnga tunngaviusoq Inatsisartut namminneq inatsiseqarnermut allaffiata aaliasanermut ataatsimiititaliamut 8. marsi 2011 allakkiorsimanera, tassani aalisarnermut ataatsimiititaliamut malugeqqullugu assigiinngittoqartoq, tamatumani pineqarluni siunnersuutigineqartoq ukiuni kingullerni marlunni isertitat 50 %-iisa aalisarnermit isertitarineqassasut peerneqarnissaanik piumasaqaat, kisianni aalisarnermut inatsisissatut siunnersuummi tamakkiisumi 2010-mi tusarniaassutigineqartumi tamanna takuneqarsinnaasoq.

Allakkiamilu erseqqissarneqarpoq immikkoortoq 8 tusarniaanissaq pillugu oqaaseqaatini, Aalisarnermut, Piniarnermut Nunalerinermullu Naalakkersuisoqarfimmit piffissami 18. juuli - 20. aggustimut 2010, ingerlanneqartumi immikkoortup taassuma ilaasariaqarsimanera, kiisalu tusarniaanermi akissutigineqartut inatsimmut ilanngunneqarsimanersut immikkoortumi tassani takuneqarsinnaassagaluarmata.

- Inatsisartut siulittaasoqarfiata ilisimavaa, inatsit tusarniaassutigineqarsimanngitsoq. Tamannalu uppernarsarneqarpoq aalisarnermut ataatsimiiititaliamut allakkiami. Ilisimasaq tamanna tunngavigalugu akisussaassuseqartumik iliortariaqarpugut tamallu oqartussaaqataanerat tunngavigalugu ilumoorussinissaq malittariaqarlutigu. Tamatuma kingunerisaanik Inatsisartut siulittaasoqarfiata inatsisissatut siunnersuut Naalakkersuisunut utertittariaqarpaa piumasaqaatigalugulu, Inatsisartut malitassaat tamat oqartussaaqataanneranni eqqortumik iliornissat malinneqassasut. Soorunalimi Inatsisartuni suliavut tunngaveqartariaqarput tusarniaassutigineqarsimasunit kiisalu tusarniaaffigineqarsimasut periarfissinneqartariaqarput oqaaseqaatigisatik inatsisissatut siunnersuummut ilanngunneqarsimanissaannik.

- Pisoq assorsuaq ilungersunarpoq uagullu isumaqarpugu, inatsisissatut siunnersuut taaamak pingaaruteqartigisoq eqqortumik suliarineqartariaqartoq aalisartut aamma inuttaasut eqqorneqartussat ataqqillugit. Allatut iliorneq inunnik ataqqinninnerusinnaanngilaq, uagut tamanna peqataaffigisinnaanngilarput. Inatsisartut siulittaasoqarfiat aammaarluta qinnuigaarput aalisarnermut inatsisissatut siunnersuut Naalakkersuisunut utertissagaat tamatumalu kingunerisaanik Inatsisartut aasaanerani 2011-mi ataatsimiinneranni oqaluuserisassanit peerlugu, Aleqa Hammond allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER