Skip to main content

Milliardit utertinneqarnissaat pillugu Islandimi taasisitsinissaq

Arfininngornermi islandimiut taasiartussapput Icesave-inatsit isummerfigalugu. Inuit avissaartuupput

Qeqertap qaqqanik innermik anitsisartoqarfiusumi innuttaasut 90 procentii ukioq ataaseq matuma siornatigut taasisinneqaramik isumaqatigiissut itigartippaat, tassalu Tuluit Nunaannut Hollandimullu 30 milliardit koruuningajaat taarserneqarnissaannut tunngatillugu netbankip Icesavesip 2008-mi ajalusoornerata kingorna.

Maannali innuttaasut avissaartuupput.

Taamaattumik islandimiut Icesave-isumaqatigiissummut AKUERSAASSAPPUT:

* Islandimiorpassuit annilaanngatigaat nunanit allanit mattussaanissartik, nunartillu nunarsuatsinni aningaasaqarfinnit itigartinneqartalernissaa isumaqatigiissuteqartoqassanngikkaluarpat.

* Qinersisartut angertut naalakkersuisut tunngavilersuutaat malippaat, tassa Icesave-mik isumaqatigiissummut naaggaarunik islandimiut aningaasaqarnerannut tamanna ajutoortitsineruliinnassasoq.

* Islandimiut pisoq tamanna qaangerusuppaat niuernerup ingerlaqqilluarnerulernissaa taamatut pissammat.

Islandimiut nutaamik Icesave-isumaqatigiissummut taamaattumik NAAGGAARPUT:

* Island kisimi akisussaatinneqassanngilaq aningaaseriveqarnerup ajalusoorneranut. Taamaattumik naapertuilluartuunngilaq milliardinik taartissaqalernermi akisussaaffiup annertunerpaartaa Islandimut tutsinneqassappat. Akiligassaq Islandip, Tuluit Nunaata aamma Hollandip tamarmik naligiimmik agguartariaqaraat, naaggaartut taamatut isumaqarput.

* Piviusorli tassa inatsisitigut imaluunniit pissuserissaarnermi erseqqissunik tunngavissaqanngimmat taarsigassat milliardit pillugit akisussaaffimmut akuersinissamut.

* Island pitsaanerusumik inissisimalissaat isumaqatigiissummik itigartitsissappat Efta-eqqartuussiviup (EU-mi eqqartuussiviup appaa mikineq, EØS-nunani suliassanik eqqartuussisartoq, aaqq.) aalajangertariaqarpaa nunani taakkunani pineqartuni ukiuni arlaqalersuni aaqqiagiinnginneq aaqqiiffigissallugu.

Taamatut Ritzau ilisimatitsivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER