Skip to main content

KNR-imi tusagassiortoq palasimit malersorneqartuarsinnarpoq

Ukiut 20-t sinnerlugit ingerlareersullu siornatigut KNR-imi tusagassiortutut atorfeqartup, Frederik Roedip, isertugaatini amiilaarnartoq palasimit meeqqanit kinguaassiuutitigut atornerluisartumit atornerlunneqarsimanini oqaluttuarisinnaaleramiuk

...Tv-kkut aallakaatitassiaq takutinneqarmalli, - aap, illit nalunngilat suna pillugu, - uummatinnit iperarsinnaanngilakkit...

Taamatut allappoq palasi katuuliusoq novembarimi 2010-mi Frederik Roedimut, tv-kkut piviusoq tunngavigalugu aallakaatitassiaq aallakaatinneqareersorlu, tassani Frederik Roed oqaluttuarpoq inuusuttuaraanermi nalaani palasimit katuuliusumit qanoq atornerlunneqarsimanerminik.

Taamatut allaaserisaqarpoq Nordjyske sapaammi aviisimi saqqummersumi Frederik Roed pillugu allaaserisaqangaatsiartoq. Frederik Roed siullerpaajulluni katuullit palasiat unnerluutigaa meeqqamik kinguaassiuutitigut atornerluisimasutut. Tassannga allaaserisaqarpoq Frederik Roedip pisimasoq pillugu atuakkiaata nutaap saqqummermeranut atatillugu, qulequtaralugu Messedreng oqaluttuassani eqqartoramiuk.

Frederik Roed inuusuttuaraalluni Danmarkimi katuullit oqaluffianni nukappiaqqatut oqaluffimmi ikiortinngorpoq. Kiserliorpoq nalorneqalunilu. Angerlarsimaffimmini ilaquttani avissaartuupput, isumagineqannginneq aarlerinerlu ullut tamaasa Frederiup akiorniartuarpai. Oqaluffimmi qimarnguiffissarsivoq. Palasip katuuliusup Frederik isumagaa, paarilerpaa, kisianni sivitsunngitsoq inuusuttuaqqap paasilerpaa palasimit meeqqanik atornerluisartumit atornerlunneqarluni, Frederik aamma allat taamatut atugaqartut atornerlullugit.

Maannakkut - ukiorpassuit qaangiuttut - Frederik Roedip oqaluttuassani amiilaarnartoq oqaluffimmi nukappiaqqatut ikiortaanermi nalaani pisimasoq oqaluttuarisinnaalerpaa. Oqaluttuaq amiilaarnartoq, tiguartinnartorli aamma atuakkiortorpalaamik allataq ajortumik misigisaqarsimaneq pereersimasumillu kingumut qimerluueqqinneq.

Frederik siullerpaalluni palasi katuuliusoq unnerluutigaa, katuullillu oqaluffiat pillugu DR1-imi piviusoq tunngavigalugu aallakaatitassiami ukiaq 2010-mi aallakaatinneqartumi peqataavoq.

Frederik Roedip katuullit palasiannik unnerluutiginninnera eqqartuussivikkoortinneqarsimanngilaq. Politiit naliliipput pisimasoq pisoqalisimasoq katuullillu oqaluffiata John palasitut atorfeqartiinnarpaat mattuttullu inaanniitiinnarlugu, naak pisortatigoortumik soraarsitaareeraluartoq. Atuakkap saqqummerneranut ilutigitillugu palasi pensionilerpoq, oqaluffik nalunaarpoq.

Frederik Roed Nuummi najugaqarsimavoq ukiorpassuarnilu KNR-imi tusagassiortutut atorfeqarluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER