Skip to main content

Station Nord saliivoq

Station Nordimi uuliakoorneq 700 m2-isut isorartutigisumut nunamut kuuppoq

Tunumi Station Nordimut ikummatissamik nuussinermut atatillugu apriilip aallaqqaataani 2011-mi timmisartut ikummatissaat 22.000 liter maangaannaq kuuppoq. Tamanna pivoq Thule Air Basemeersumit timmisartumit assartuummit Station Nordimi tankeqarfimmut ikummatissamik nuussinermut atatillugu.

Naatsorsuutigineqarpoq uulia maajimi aputit aannissaata tungaanut apummiiginnarnissaa. Taamaattumik aputip aalinnginnerani uuliap apummiittup annertunerpaartaata apummit piiarneqarnissaa periarfissaqarpoq.

Uuliakoorneq paasineqaqqammersorlu apummit mingutsinneqarsimasumit uulia piiarneqalerpoq. Tamannali unitsinneqartariaqarsimalluni sulisut isumannaatsuunissaat eqqarsaatigalugu, Station Nordimi avatangiisinik annikitsuinnarmik mingutsitsinermut taamaallaat iliuuseqartoqarsinnaammat. Illersornissamut sakkutooqarfimmi Bygnings- og Etablissementstjeneste (FBE) Station Nordimi uuliakoornermi avatangiisit salinneqarnissaannut akisussaasuuvoq.

Maannakkumut FBE-p saliinerani makku isumagineqareerput:

- Apriilip tallimaani avatangiisit pillugit immikkut ilisimasalik uuttuutissanik aamma inuit illersuutissaannik nassarluni Station Nordimut aallartinneqarpoq uuliakoornerup kingornatigut saliinissaq nanginniarlugu.

- Apriilip arfernani uuliakoorneq nalunaarsorneqarpoq apummut qillerut atorlugu tipaatalu naamaneqarsinnaasoq malillugu 19-inik qillerisoqarpoq. Mingutsitsineq nalilerneqarpoq pisimasoq nunami 700 m2-isut isorartutigisup missaaniittumi.

- Aput mingutsinneqartoq maanna piiarneqareerpoq immikkullu utaqqiisaagallartumik toqqorsivimmut inissinneqarluni. Aput 270-300 kubikmeter annertunerusumik annikinnerusumilluunniit mingutsitaq piiarneqarpoq.

- Apriilip aqqaneq aappaani allat atortussat inuttassallu Station Nordimukartinneqarput ilaatigut persilinnginnerani aputip mingutsinneqartup pinasuartumik piiarneqarnissaa qulakkeerniarlugu.

- FBEp naatsorsuutigaa tassanngaannaq mingutsitsisoqartillugu avatangiisinik saliisartut apummik mingutsitamik piiaanerat sisamanngornermi apriilip 14-iani 2011 naammassereersimanissaa.

- Maajimi uuliamik piiaasartoq angallattagaq immikkut sanaaq uuliakoornermik suliaqartinneqartartoq nassiunneqassaaq, Station Nordimi maajip qiteqqunnerani aput aakkiartulerpat.

- FBE aggustimi misissueqqissaaq annertunerusumik mingutsitsisoqarsimanersoq misissuiffigalugu, taamanikkussami silap tamanna ajornartinngippagu.

Taamatut Naalakkersuisut tusagassiuutitigut nalunaarumminni ilisimatitsipput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER