Skip to main content

Kalaallit Nunaanni ukiup frimærkia 2010

Dronning Margrethe ukiup frimærkiani 2010-mi takussaavoq. Taanna saqqummerpoq 16. april 2010-mi ataqqinartorsuup Dronning Margrethep 70-iliineranut atatillugu

Tele-Postip "2010-mi Kalaallit Nunaanni ukiup frimærkia"-nik toqqaaqqusilluni unammisitsinerani frimærki kusanartoq offset G446 dronning Margrethemik kalaallisoortumik Nuullu ilisarnaataanik Sermitsiamik tunuliaqutaqartoq ajugaatinneqarpoq.

Taamatut allappoq Tele-Post tusagassiuutitigut nalunaarummini.

Frimærki saqqummerpoq ulloq 16. april 2010, Ataqqinartorsuup Dronning-ip ullormi 70-iliiffiani. Hoffotograf Steen Brogaard-ip assilisaa tunngavigalugu frimærki suliaavoq, ilioqqarneqarporlu titartagartalersuisartumit Dorit Olsen-imit.

Ukiup frimærkissaanik unammisitsinermi normu 2-nngorpoq frimærki G436, nanoq Maria Panínguak Kjærulff-imit titartarneqartoq, nr. 3-nngorporlu Martin Mörck-ip frimærkiliaa G453 umiarsuarnik Isabella-mik aamma Alexander-imik assiliartalik.

Toqqaasimasut tiguneqartut tamarmik akornanni POST-ip martsimi pinnattaassanik annerpaanik 10.000 kroninik pinnattaassartalik makippaa. Pinnattuusorlu tassaavoq Frankrig-imi Soissons-imeersoq Jean Claude Drouhin. POST-ip hr. Drouhin pinnattaassamik annerpaamik pinnannerani pilluaqquaa.

Pinnattaassap annerpaap saniatigut POST-ip 2010-mi ukiumut mappii kusanartut qulit makitsissutigineqarput, taakkunanilu imarineqarput siorna saqqummiunneqartut frimærkit 20-t tamarmik. Ukiup mappii pinnattunut nassiunneqarput, taakkulu aqqi atuarneqarsinnaapput www.stamps.gl –imi.

POST-ip toqqaanermut peqataasut persuarsiortitserpalaaqataasut tamaasa qutsavigai.

’2011-mi Kalaallit Nunaanni ukiup frimærkia’-nik toqqaanissaq novemberimi aallartissaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER