Skip to main content

Aatap tulluusimaartup marlulissat nuannaarutigai

Kunngissakkut marluliaataat meeqqanut allanut sanilliullugit alliartornerat sukkaneruvoq, Maryp ataataa John Donaldson oqarpoq. Pannilu assut nersualaarpaa

Kronprinsesse Mary aamma Kunngissaq Frederik apriilip 14-iani Holmens Kirkemi kuisittoornissaminnut qaaqqusigunik naalungiarsuutaat marluk angisuut kuisitsivimmut sassaanneqassapput.

Maryp angutaa, John Donaldson, oqaluttuarpoq marlulissat alliartornerat immikkut ittumik sukkasuujusoq, Ritzau allaaserisaqarpoq.

- Siullerpaamik takugakkit misigivunga itummanni tigummisinnaallugit. Kisianni maannakkut meeqqanit ataasiinnaallutik inunngortunit sukkanerusumik alliartortutut isikkoqarput.

- Immaqa inunngoramik mikisimanermik, Australiamiut aviisiannut The Mercurymut oqaluttuarpoq.

Aammattaaq oqaluttuaraa Mary marlulissanik paarsilluni ulapittoq, taakku apriilip 14-iani atertaarnissamik tungaanut angajoqqaaminnit tagorneqarput "Lille pige" (nuts. niviarsiaraaraq) aamma "Lille Dreng" (nukappiaraaraq).

- Anaanaavoq meeqqaminik nakkutiginnilluartoq. Nulianilu, Susan Donaldson, kuisittunut qaaqquneqarnissaat qularnanngilluinnarpoq.

Nalinginnaanngitsumik kuisitsitsineq tulliani sisamanngorpat ualikkut ingerlanneqassaaq. Tamatuma kingorna qaaqqusat angallatinut ikerasaliakkoortaatinut qulilikkanut ilaallutik Amalienborgimut ingerlanneqassapput.

Tamaani kunngissakkut illussaarsuanni nutarterneqaqqammersumi nalliuttorsiussapput. Siullermik ilassinneqatigiinnermi kingusinnerusukkullu ilaquttat qanigisat aamma ikinngutit ilagalugit nerersuartoqassaaq.

John Donaldson maannakkorpiaq Tuluit Nunaanni najugaqarpoq, sapaatilli akunneranni matumani Tasmaniami Hobartimiippoq, tamaani panimmi angajulliit tulliat, Patricia Bailey, peqatigalugu University of Tasmaniami danskinut ilinniagaqartunut marlunnut legatinik tunniussiniarlutik. Aningaasat uanngaanneerput Crown Princess Mary Scholarship.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER