Skip to main content

PS: Suli amerlanerusunik aningaasanik nassitsigit!

Puigortunngorsimasunut ilaqutaasut suliniummut Nunatsinni suliniutini taamaattuni siullerpaasumut aningaasanik katersipput.

Suliniummik piviusunngortitsinissamut aningaasat atugassat affaasa missaat maanna katersorneqareerput, tassalu dvd-t pingasut puigortunngornermut tunngasut kalaallisut oqaasertallit.

Dvd ataaseq puigortunngortunut taakkulu ilaqutaannut naatsorsuussaq qulequtalik 'Puigortunngorneq - puigortunngortunut aamma taakku ilaqutaannut' taavalu dvd-t marluk ilinniartitsinermut atugassat qulequtallit 'Puigortunngorneq pillugu Kalaallit Nunaanni iliuuseqarneq' aamma 'Puigortunngorneq pillugu Kalaallit Nunaanni attaveqatigiinneq'.

- Puigortunngortunut ilaqutaannullu Nunatsinni kalaallisut paasissutissat ikittuararsuupput, tamatuma sammineqarnera assut pingaartinneqanngilaq, suleqatigiit oqaaseqartartuat oqarpoq. Sammineqarnera annikitsuararsuuvoq, naak Nunatsinni puigortunngortarneq ajornartorsiutitut annertusigaluttuinnaraluartoq.

- Inuppassuit amerlasuut attaveqarfigisartakkagut ajortumik passunneqartarnermik oqaluttuarput. Amerlasuutigut pissutaasarpoq tamatuminnga ilisimasakippallaarneq. Ilisimasakinneq tamanna atorunnaarsinniarlugu ilaqutaasut suliniuteqaqatigiit suliniuteqarniarput, Avijâja Absalonsen, puigortumut ilaqutaasut ilaat, oqarpoq.

Ilaqutaasut suliniuteqaqatigiit maannakkumut aningaasat 525.000 koruunit suliniumminnut katersorsimavaat, suliniutaallu piviusunngussappat amigaatigaat 475.000 koruunit.

- Qujamasoqaagut aningaasat pissarsiareriikkagut pillugit, maannalu suliniuteqarnerput nangillugu aningaasanik pissarsiorpugut. Neriuppugullu aningaasaateqarfiit legatinillu agguaassisartut suliniuterput pingaaruteqartoq tapersersussagaat, tamanna piviusunngorniassammat, Avijâja Absalonsen oqarpoq.

Aningaasaateqarfiit allallu suliniummut tapiissuteqartut makkuupput; Inuunernitta puljen, Kommuneqarfik Sermersooq aamma Svend Junges Fond.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER