Skip to main content

Inissitsitereqqinneq annertuumik isorineqarpoq

Siumut inuusuttaasa ernumassutigaat ilinniartitaaneq sumiginnarneqassasoq ilinniartitaanermut naalakkersuisumik nutaamik toqqaanerup kingorna

SIS-imiit Naalakkersuisoqarfinnik inissititereqqinneq perajunnik illuaateriinnarnertut isigaarput, uagullu meeqqanut inuusuttoqatigullu sinnerlugit ilinniagaqarnermut naalakkersuisunngortoq toqqaannaq ernumassutigaarput, Siumup Inuusuttunut Suleqatigiiffiata siulitaasua Kaalinnguaq Siegstad tusagassiuutitigut allappoq.

- Siullermik inuiaqatigiinnut pitsaasumik sullissinianngitsutut, eqqarsaqqaaranilu iliuuseqartartutut isigisareerparput. Politikkerisaammi G-60 nutaaq isumaqatiginngilluinnarparput. Aappaattut siusinnerusukkut ilinniagaqarnermut tunngasunut isummersortarnera ernumanarpoq, ilisimavarpummi inuiaqatigiinni pitsaaqutitta ilaat Højskole-qarneq kusananngitsumik isummersorfigisareeraa qanorli, aningaasaqarnermut naalakkersuisuusimasoq, ilinniagaqarnermut naalakkersuisunngornermi ”naalaganngoruni”, SISip siulittaasua allappoq.

- SIS-imi naalakkersuisooqatigiinnut ernumassuteqarnerput minnerulinngilaq ajornartorsiut ilinniartunut milorujunneqaannarmat, naalakkersuisuuffinnimi illuartiterineq pinnagu nutaanik taarserneqarnissaat aqqutissaagaluarpoq pitsaanerpaat. Nunatta aqunneqarneranut inuiaqatigiinnullu aatsaat taamak pisariaqartigigaluartumut pitsaanerpaassagaluarmat. Isumaqarpugut aquummik paarinninniaannarneq massakkut naalakkersuisuusunut annanniarfissat kingullersarigaat, Kaalinnguaq Siegstad naliliivoq.

- Isumalluarnanngitsutut nalilerparput, pitsaanerpaassagaluarporlu aquummik paarsisut uppisinneqarnissaat. Pitsaanerpaamimmi sullissineq nunatta pisariaqartitaa, aatsaat aquummik paarsisut taarserneqarpata pisinnaasoq ilisimavarput, Kaalinnguaq Siegstad oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER