Skip to main content

Unnuk oqalliffiusoq iluatsippoq

Illinniagaqartut siunissami ilinniagaqarnertik naammassigunikku suliffssaqannginnissaminnut ernumapput, aamma ilinniagaqartut akikinnerusumik internetteqalernissaq kissaatigaat. Tamanna ilinniarfinnut tamanut pingaaruteqartoq oqaatigaat

Pingasunngormat unnukkut Ilimmarfimmi oqalinneq iluatsilluartumik ingerlavoq. Oqalliseqataarusunneq aamma oqalinneq ajunngitsumik ingerlavoq avataaniillu soqutiginnittorpassuit aggiaasimallutik. Aaqqissuuseqataasut ilaat Qarsoq Høegh-Dam. atuakkialerinermi tusagassiuutilerinermilu BA-nngorniarluni ilinniagaqarpoq ilisimatitsivoq.

Oqallinnermi sammineqartut pingasut tassaapput Namminersorlutik Oqartussat atorfinitsitsisarnermik unitsitsinerat, Air Icelandimit isumaqatigiissuteqarneq aamma Telep innuttaasunik sullissinera.

Oqallinnermi erserpoq ilinniagaqartut ilinniartitaaneq ingerlatartik naammassigunikku suliffissaqassanerlutik assut ernumassutigigaat, Namminersorlutik Oqartussat sulisunik atorfinitsitsisarnermik unitsitsinerat pissutigalugu aamma aqutsisoqarfimmi allaffissornermik annikillisaagunarnerat pissutigalugu.

Air Icelandimik isumaqatigiissuteqarneq pillugu assut oqallittoqarusupput, tamatumanilu annilaangassutigineqarluni avinngarusimanerusuni bilitsit akiisa qaffanneqarnissaat. Tamatuma saniatigut ernumassutigineqarpoq Air Greenlandimi ilinniarnermut atatillugu praktikkerfissat ikilineqarnissaat unammillerneqarnerup annertusinerata kingunerisaanik.

Kisianni oqallinnermi aammattaaq paasinarsivoq unammilleqatigiinnerup annertusinerata inuiaqatigiinut kingunerisassai annertuumik nalornissutigineqartut, tamatuma inuiaqatigiinnut iluaqutaassanersoq imaluunniit aningaasartuutit amerlissanersut.

Tele Greenland pillugu oqallinnermi internettimut akigitinneqartut qitiutinneqarput. Ilinniagaqartut akornanni internettimik atuineq annertusiartortorujussuuvoq tamannalu aningaasaqarniarnerannut sunniuteqarluni aammattaaq suliffeqarfinni annertusiartortorujussuuvoq tamannalu taakku aningaasartuutaannut sunniuteqarpoq. Ilinniartitaanermut tunngatillugu internettimik killilersorneqanngitsumik atuisinnaaneq inuusuttut siunissaannut pingaaruteqarluinnarpoq.

Qanoq annertutigisumik atuineq apeqqutaatinnagu assigiimmik akeqartitsilernerup atulersinneqarnissaa oqallisaalluarpoq.

Ilinniaagaqartunit siunnersuutigineqarpoq qanoq annertutigisumik atuineq apeqqutaatinnagu akeqartitsilerneq atorneqaleriartornissaa, aammalu atuarfiit aamma ilinniakkanik ingerlatsiffiit siuliullugit appasissumik akilimmik qanoq annertutigisumik atuineq apeqqutaatinnagu akilersuilersinneqassasut.

Oqallinnerup kingorna aaqqissuisut aamma ilinniagaqartut peqatigiiffiat Kisaq isumaqatigiipput siunissami oqallittarnissamut aaqqissuusisarnissat suleqatigiiffigilernissaat, Qarsoq Høegh-Dam ilisimatitsivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER