Skip to main content

Illoqqortoormiuni marlunnik nannuttut

Pilanneqarneranni nannut allat takkussuupput

Kommuneqarfik Sermersuup nittartakkamini oqaluttuaraa nukappiaqqap ippassaq nannut pingajoqqat Illoqqortoormiuniit 200 meterinik ungasissuseqaannartumiittut takusimagai.

Nanoq arnaviaq marlunnik piaralik illoqarfiup ungasinngisaanukarsimavoq.

- Isumaqarpunga piniartut nannunik allanik pilannerat nannut taakku naamasimagaat, Illoqqortoormiuni immikkoortortaqarfimmi pisortaq Karoline Lorentzne nittartakkami oqaluttuarpoq.

Ippassaq piniartut marluk nannunik kisimiittunik marloraarput. Nittartakkami allaaserineqarpoq illoqarfik nannunik 35-nik pisassaqartinneqartoq.

Karoline Lorentzen nittartakkami oqaluttuarpoq, illoqarfimmiut tamarmik nanoq marlunnik piaqqisartoq malinnaaffigisimagaat, taakku utaqqisaqarpasillutik sikup sinaavani illoqarfimmiit 200 meterinik ungasitsigisumi nikorfarujoorput. Oqaatigaalu ukiuni kingulliunerusuni nannut illoqarfimmut qanillinerusalersimasut.

- Piniartut Uunartumi nannut qulingiluat ataatsimoortut takusimavaat. Imaassinnaavoq taakku ilaat maanna illoqarfitsinnukartut, kommuneqarfiup nittartagaa malillugu oqaluttuarpoq.

Nanoq arnaviaq marlunnik piaqqisartoq aalaaneqanngilaq. Taakku suneqassanngillat nannut arnavissat piaqqisartut aallaaqqusaanngimmata, nittartakkami takuneqarsinnaasutut allaaserineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER