23-nik ukiulik qiulluni toquvoq

Angut inuusuttoq pinerluffigineqarsimanngilaq

Angutip 23-nik ukiullip, Nuummi ippassaq toqungalluni nassaarineqartup, timaa toqungasoq misissorneqarpoq.

- Pinerluttoqarsimasinnaaneranut tunngatillugu pasinartumik malugisaqanngilagut, Nuummi politeeqarfimmi pigaartoq tungasup timaanik misissuereernerup kingorna oqarpoq.

- Angutip inuusuttup 23-nik ukiullip timaa nillerterujussuarsimavoq aassiorneranilu imigassartorsimasoq paasineqarpoq. Pineqartoq aalakoorsimavoq Nuummi angerlarsimaffimmi ungasinngissaani uppikkami, politiit ilisimatitsipput.

Ilisimaneqanngilaq 23-nik ukiulik qanoq sivisutigisumik apummi uppeqqasimanersoq. Kisianni politiit angutip ingerlasimaneranik misissuereernermik kingorna ilisimatitsipput ullaassakkut pingasut - sisamat eqqaaniilli illoqarfimmeereernermi kingorna, ullup qeqqata missaani nassaarineqarnermi tungaanut issersuarmi uppeqqasimassasoq. Taamaalinerani perserluni anorersuarnera sakkortuseruttorpoq. Qanigisaasa najugaqartigisaasa 23-nik ukiulik nassaaraat.

Toqungalluni nassaarineqarami timaata kissassusia 20 gradiinnaavoq, piaarnerpaamillu nakorsiartarfimmukaanneqarpoq tamaani nakorsat uummataa aallartikkaluarpaat, kisianni uumatiinnarnissaa iluatsinngitsoorlugu tamatumalu kinguninnguatigut toqukkut qimaguttoq nalunaarutigineqarpoq.

Powered by Labrador CMS