Skip to main content

Nipisat suaat kiilumut minnerpaamik 30 kr

KNAPK aamma Royal Greenland suannut 2011-mi akigitinneqartussat pillugit isumaqatigiissutigiipput

Kalaallit Nunaanni Aalisartut Piniartullu Kattuffiat aamma Royal Greenland A / S, ullumi ulloq 17. marts 2011 nipisat suaannut isumaqatiginninniarnernik ingerlatsereerlutik nipisat suaannut kilomut akimik isumaqatigiissuteqarput. KNAPK aamma Royal Greenland ataatsimoorlutik tusagassiuutinut nalunaaruteqarput

Isumaqatigiissut Royal Greenlandip pisortaaneranit Mikael Thinghuusimit aamma KNAPK'p siulitaasuanit Leif Fontainemit atsiorneqarpoq.

Isumaqatigiissutigineqarput kiilomut kr. 30,00 nipisat suaannik Royal Greenland A / S-ip tunisassiorfiinut tunisinermi atorneqassasoq, illuatungeriit ilanngullugu isumaqatigiissutigivaat aki unammillerfiusuni allanngortinneqarsinnaasoq taamaattorli aki taaneqartoq minnerpaaffittut.

Tusagassiuutitigut nalunaarummi oqaatigineqarpoq illuatungeriit isumaqatigiissutigigaat siunissaq isigalugu Kalaallit Nunaanni Aalisartut Piniartullu Kattuffiata aamma Royal Greenland A / S-ip akornanni suleqatigiinneq nutaamik, nuannersumik siunissamullu isigisumik kiisalu ataqqeqatigiinnikkut pissuserissaarfiusumillu ingerlanneqalerumaartoq, Mikael Thinghuus aamma Leif Fontaine atsioqatigiilutik allapput.

Kiilomut akitiginneqartussatut isumaqatigiissutigineqartoq 17. marts atuutilerpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER