Skip to main content

Kalaallit Nunaanni FIFAp arsannermik Festivalia

Arsarnermi aaqqissuussinerit Ilulissani, Nuummi aamma Qaqortumi ingerlanneqassapput

GBU-p pisortatigoortumik DBU-mit tigoqqammerpaa FIFA aalajangersimasoq 2011-mi Kalaallit Nunaanni arsaannermik Festivalertitsiniarluni, GBU'p siulittaasua Lars Lundblad allappoq.

FIFA Football Festivalsimik aaqqissuussinerit Ilulissani, Nuummi aamma Qaqortumi juulip naalernerani aggustillu aallartinnerani ingerlanneqassapput

FIFA Football Festivalsit illoqarfini taaneqartuni ulluni pingasuni ingerlanneqassapput.

Ullut siulliit marluk FIFA-mi sungiusaasup Jean-Marie Conz-ip sumiiffinni taakkunani sungiusaasut pisortallu (siulersuisut) ilinniartissavai/paasitinniassavai, qanoq iliorlutik Arsaannermi Festivalit ingerlattalersinnaaneraat.

Tamatuma saniatigut Arsaannermik Festivali najugaqarfimmi najugalinnut meeqanut inuusuttunullu aaqqissuusineqassaaq, tassanilu periarfissaqassapput arsannermi ingerlanneqarsinnaasut assigiinngitsunut peqataanissaminnut.

Sungiusaasut/pisortat (siulersuisut), meeqqat inuusuttuaqqallu illoqarfiit pineqartut saniatigut aaqqissuussiviup eqqaamiuineersut illoqarfimmiut nunaqarfimmiullu aamma peqataaqqulugit qaaqquneqassapput.

Festivalimut FIFA-p atortussat isumagissavai, soorlulu FIFA siumut isumaqatigiissutaareersut tunngavigalugit aningaasartuutissat FIFA Arsannermik Festivalimik ingerlatsinernut taakkununnga aaqqissuussanut pingasunut tunngasut aningaasartuutit matussuserniarai, Lars Lundbald ilisimatitsivoq.

FIFAmi ilitsersuisoq Jean-Marie Conz maajimi Kalaallit Nunaannukassaaq iloqarfiit pineqartut pingasut tikeraassallugit. Kalaallit Nunaanni pissutsinik immikkut ittunik paasiniaalluni aamma arsarnermik festivalimi ingerlanneqartussat assigiinngitsut piareersassallugit.

Lars Lundblad ilisimatitsivoq GBU Coca-Cola fodboldskole ukiut siulii assigalugit illoqarfinni nunaqarfinnilu aamma ukioq manna ingerlanneqartussaasut.

FIFA Arsaannermik Festivali isigineqassaaq sulianut ingerlareersunut tapiliussatut, taassumalu aamma siunertaraa siunissami ingerlaavartumik GBU Coca-Cola fodboldskole-p manna Kalaallit Nunaanni ingerlanneqartuartup ineriartortitsinissaa, Lars Lundblad oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER