Skip to main content

Aningaasaqarnermut ataatsimiititaliami amerlanerit allatut isummerput

Islandimiut timmisartuutileqatigiivinik isumaqatigiissut maannakkut aningaasaqarnermut ataatsimiititaliami IA-mit Demokraatinillu isumaqataaffigineqalerpoq

Islandimiut angalatitsisartut timmisartuussisarnissaannik isumaqatigiissutinut isummani Aningaasaqarnermut Naalakkersuisunngortup Aningaasaqarnermut Ataatsimiititaliamut ataasinngornermi ulloq 21. marts 2011-mi saqqummiuppaa. Tamanna tunngavigalugu suliaq ataatsimiititaliamit ullumi oqaluuserineqarpoq.

Tamannalu tunngavigalugu Aningaasaqarnermut Ataatsimiititaliamut ilaasortat tassaasut Olga P. Berthelsen, IA, Andreas Uldum, Demokraatit aamma Juliane Henningsen, IA suliamut isummernertik saqqummiukkumavaat.

- Islandimiut angalatitsisartut timmisartuussisarnissaannik isumaqatigiissutit nalilersorneqartassasut paasitinneqarpugut, taamaalilluni assersuutigalugu Mittarfeqarfinnut Air Greenlandimullu siunertaanngitsumik kingunerluutaasinnaasut eqqumaffigineqartuaqqullugit. Ukioq manna qaammatini siullerni marlunni inuit 13-iinnaat isumaqatigiissutit atorlugit angalasimapput, taamaattumillu isumaqatigiissutit inuiaqatigiit aningaasaqarnerannut manna tikillugu taasarialimmik kinguneqarsimasut oqaatigineqarsinnaanani, aningaasaqarnermut ataatsimiititaliami iulaasortat pingasut oqarput.

Taamaalillutik aningaasaqarnermut ataatsimiititaliami ilaasortaasimasut Naja Nathanielsen, IA, Niels Thomsen, Demokraatit aamma Aqqaluaq B. Egede, IA islandimiunik isumaqatigiissuteqarnermik akilerliullutik oqaaseqarsimasut isumaqatiginagit nalunaarput.

- Sulinermut atatillugu angalanernut kiisalu napparsimasut ilinniartullu pisortat akiligaannik angalanerannut taamaallaat atuuttussanngorlugit pisiniarnermut isumaqatigiissutit maanna iluarsineqartut paasivarput. Pisiniarnermut politikki pillugu Inatsisartunut nassuiaasiortoqarnissaa Naalakkersuisut neriorsuutigaat, tassani inuiaqatigiit pisariaqartitaat pingaarnerit misissorneqassallutik aammalu pissutsit soorlu CSR-imut (tassa silamut, avatangiisinut, ilinniartitaanermut isumaginninnikkullu suliniutinut tunngatillugu suliffeqarfiit akisussaanerat), nutaaliornermut il.il. tunngasut ilanngunneqassallutik. Pisortat pisiniarnermut politikkiat pillugu Inatsisartut ukioq manna ukiakkut ataatsimiinnerminni isummernissaanut nassuiaat taanna tunngavissiisussatut naatsorsuutigineqarpoq, allapput.

Naalakkersuinermik suliallit pingasut naammagisimaarpaat pisortat pisiniartarneranni allaffissornikkut periutsit paasinarsisinneqarnissaat, tamannalu pillugu ilisimatinneqarnissartik qilanaaralugu.

- Islandimiunut angalatitsisartunut isumaqatigiissutit assinganik isumaqatigiissuteqarnissaq pillugu Namminersorlutik Oqartussat Air Greenlandillu oqaloqatigiinnerit aallartissimammatigit aamma iluarisimaarparput, oqarput.

Pineqartumi isummaminnik allanngortitsinerminnut ilutigitillugu naalakkersuinermik suliallit pingasut allapput, Aningaasaqarnermut Ataatsimiititaliaasimasup sulisimanera annertooq suliniutinut taakkununnga tunngavissiisoq nuannaarutigalugu.

Ilisimatitsissutigineqanngilaq aningaasaqarnermut ataatsimiititaliami issiasut allat Siumumiit Finn Karlsen aamma Siumumiit Per Berthelsen suliaq pillugu qanoq isumaqarnersut, ataasinngormat aningaasaqarnermut naalakkersuisoq nutaaq suliaq pillugu ilisimatitsereersorlu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER