Skip to main content

Inuusuttut periarfissaat sammineqarput

Unicefip naalakkersuisullu suleqatigiillutik suliniutaat "Iliuuseqarneq" nunatsinni inuusuttunut apuutingajalerpoq

Ilulissani, Uummannami, Upernavimmi, Qaanaami, Paamiuni Nuummilu atuartut angajulliit suliniummut, Iliuuseqarnermik atilimmut marsip 25-ata aprilillu 29-ata akornanni peqataanissaminnut periarfissinneqassapput. Suliniutip siunertaraa inuusuttut inuunerminni toqqagassaqarnermut sunniuteqarsinnaanermullu periarfissatik qitiutillugit ersarissillugillu aallutissagaat. Suliniut piviusunngorsinnaasimavoq Ilaqutariinnermut, Kultureqarnermut, Ilageeqarnermut Naligiissitaanermullu Naalakkersuisoqarfik FN-llu Meeqqanut Aningaasaateqarfiata UNICEF-p aningaasaliissuteqarnerisigut, taakkumi inuusuttunut suliniutinik iliuuseqarnerulersitsinnaasunik kinguneqartitsisinnaasunik tapersersuimmata.

Suliniummik ingerlatsisup, Pipaluk K. Jørgensenip, inuit misilittagaqarluartut suleqatiserisimavai. Ane Marie Ottosen, Sofa Aappalaartoq-miit ilisarisimaneqartoq, isiginnaagassiamik takutitsissaaq. Mudi Berthelsen, ilaatigut inuusuttunut aallakaatitassiamit Oqarit-miit ilisarisimaneqartoq oqallitsitseqattaasassaaq. Taakkulu saniatigut rappertartoq Peter Lyberth, Peand El-itut aamma ilisarisimaneqartoq, nipilersornermut taalliornermullu tunngasunik sammisaqartitsissaaq. Taakku suleqatigiillutik aaqqissuussisarnerminni anguniassavaat inuusuit namminneq saqqummernissaat, pissutsit assigiinngisitaartut Kalaallit Nunaanni inuusuttuunermi naapittakkatik aallaavigalugit.

UNICEF aamma Ilaqutariinnermut, Kultureqarnermut, Ilageeqarnermut Naligiissitaanermullu Naalakkersuisoqarfik suliniutip annersaanut aningaasaliisuupput. Tamanna Naalakkersuisut UNICEF-illu ungasinngitsukkut suleqatigiinnissamik isumaqatigiissuteqarnerannik aallaaveqarpoq. Suliniut Iliuuseqarneq, isumaqatigiissummi pingaartinneqartut ilaannut, tassa isummertarnikkut sunniiniarfigineqarsinnaanermut, attuumassuteqarluarpoq.

- Sammisaq tapersersorusupparput, pissutsit eqqartoruminaassinnaasut nipangiutiinnartakkallu saqqummiussornissaannik aammalu nunatsinni inuusuttut naapittagaasa unamminartut suunerinik oqallisigineqarnissaannillu pingaartitsisuummat. Tusarluarnarpormi, tamatta, inuusuit inersimasullu, periarfissaqartugut toqqaanitsigut inuunerput ilorraap tungaanut ingerlariartissinnaallugu.

Nalunngilarput tamanna ajornaatsuinnaasanngitsoq, eqqaamassavarpulli inoqammut tatigisamut ikioqquneq aamma toqqaanerummat, taama oqarpoq Naalakkersuisoq Mimi Karlsen.

Angalaneq sammisaqartitsinerillu aamma assiliisartunik aallakaatitassiuisartunillu malinnaaffigineqassapput. Taakku suliaat ukiamut KNR-ikkut allakatitassiani arfinilinni takutinneqassapput. Tamanna suliniut Iliuuseqarnerup ingerlanneqarneranut ilaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER