Skip to main content

Inatsit nutaaq periusitoqqanut naleqqussarneqarpoq

Naalakkersuisut qaammatit 15-it matuma siorna ineqarnermut akiliutitik qaffappaat

Nalinginnaasumik inatsisit nutaat malittussaavagut, marlunngorpalli ualikkut inatsisip allanngornissaa Inatsisartuni aappassaaneerlugu oqaluuserineqassaaq, piviusunut naleqquttunngorsarlugu.

Oqaluttuassartaa naatsumik imaappoq: Kuupik Kleist naalakkersuisooqataalu juunip 2-ni 2009 allannguisussamik qinersisoqarnerata kingorna inissaminnut iserterput. Ineqarnermut akiliutip appasinnerujussua tupaallaatigaat, taannami ukiorpassuarni naleqqussarneqarsimanngilaq, Nuummilu ineqarnermut akiliutinut naleqqersuunneqarsinnaanani.

Naalakkersuisut naapertuuttumik naalakkersuinikkut pissuseqarnissartik qinigaassutigaat, taamaattumillu aalajangerlugu inigisaminnut akiliutip qaffannissaa januaarip 1-ani 2010-mit atuuttussamik. Ajornartorsiutaalerporli qaffasissumik naalakkersuinermik suliallit ajunngitsorsiassaannut aalajangersakkat inatsimiimmata, taamaattumillu inatsit taanna iluarsisariaqarluni, ineqarnermullu akiliutit qaffallugit.

Inatsisartut siulittaasuata (ullumikkut Josef Motzfeldt, Inuit Ataqatigiit) naalakkersuisullu siulittaasuat (ullumikkut Kuupik Kleist, Inuit Ataqatigiit) tamarmik inissaqartinneqarput. Siulittaasut taakku ineqarnerminnut akiliisinneqarneq ajorput, 48.000 koruunillu nalinganut akileraartussaallutik. Kommuneqarfik Sermersuumi akileraarut 42 procentiummat tamanna ukiumut 20.160 koruuniuvoq.

2009 allannguutaasumik qinersinerup siorna naalakkersuisunut ilaasortat ineqarnermut akiliutissap 20-30 procentia akilertarpaat, inigisartik nalinginnaasumik sulinermut atatillugu inissiatut isigineqassasuuppat. Januaarip aallaqqaataaniit 2010-miit naalakkersuisunut ilaasortat namminersorlutik ineqarnermut akiliutissap 60 pricentia akilertarpaat suliffeqarnermut atatillugu initut ilillugu.

Suliffeqaannarnissaq qulakkiigaanngilaq

Demokraatit siunnersuutigisimavaat nunatsinni naalakkersuinermik suliallit siuttuusut allatuulli tamakkiisumik ineqarnerminnut akiliisassasut maligasiuillunik, kisianni suliinnarnissaminnik qulakkeerneqarsimannginnerat eqqarsaatigalugu, marloriusamillu inigisaqarnerat pequtigalugu Inatsisartut ileqqoreqqusanut ataatsimiititaliami inigisamut akiliutip appasinnerunissaa akeruisimavaat.

Qaffasissumi naalakkersuinermik suliallit ullormiit ullormut soraarsinneqarsinnaapput, inigisartillu erngerlutik qimallugu, taartaasoq iserterasuarsinnaaniassammat. Naalakkersuisunut ilaasortat allat suliffigilikkaminnut atatillugu sinerissamiit Nuummut nuuttarput, inigisartilli pigiinnartarlugu, taamaattumik marloqiusamik ineqarnermut aningaasartuuteqartarlutik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER