Skip to main content

Herstedvesterimiittut piareersimaffigisariaqarpavut

Juliane Henningsenip nunatsinni eqqartuussiveqarnikkut iluarsaaqqinneq oqallisigitikkusuppaa

Herstedvesterimi kalaallit parnaarussat 20-t 2014/15-p nikinneranni Nuummi matoqqasumi inissiisarfimmiilersussaapput. Ullumikkullu Nuummi nunatsinni pinerluttunik navianarnerpaanik eqqaamioqalernissaq isornartorsiorneqalereersimavoq, sulili oqallinneq annertusissagunarluni, inissiisarfiup nutaap ammarneqarnissaa qanilliartortillugu.

Inuit Ataqatigiinniit Juliane Henningsenip marlunngornermi Inatsisartuni nunatsinni eqqartuussiveqarnikkut iluarsaaqqinneq pillugu oqallinnissaq aallarnissavaa, minnerunngitsumik kalaallit Herstedvesterimittut qitiutillugit. Aappaatigut nuannaarutigaa nunatsinni matoqqasumik inissiisarfeqalernissamut Folketingi aningaasaliisimammat, aappatigulli aamma pineqaatissinneqarsimasut inissiisarfimmi nutaami atugariligassaat isiginiarlugit.

Apeqquterpassuit takkussuupuput: Soorlu atornerluinermut katsorsaanikkut suut neqeroorutaassappat? Sulinissamut ilinniarnissamullu pineqaatissinneqarsimasut sunik periarfissaqassappat? Tarnip nakorsaanik oqaloqateqarnissamik periarfissaqassappat, soorlu kamaqarnermik oqallisiginissaanut?

Herstedvesterimiittut pillugit oqallinneq

Juliane Henningsen isumaqarpoq iluatsittumik nunatsinnut nuussisoqassappat tamanna nunatsinniit Danmarkimiillu tunaartaqarluartumik sulinissamik piumasaqarfiussasoq.

Pingaartutut isigaa qallunaat Herstedvesterimiittut nunatsinnut nuunnissaasa piareersarluarnissaa: - Qulakkeerneqartariaqarpoq inissiisarfik nutaaq naammattunik ilinniarsimasunik sulisoqarnissaa inissiisarfimmi namminermi aammalu tarnip nakorsaqarnikkut isumaginninnikkulu siunnersorteqarnikkut.

Aammali nunatsinniit iliuuseqartoqartariaqarpoq: - Naalakkersuinermik suliaqartugut akisussaaffeqarpugut ukiorpassuarni kalaaleqatitta avammut nassiuttarsimasatta angerlartinnissaasa pingaarutaata ammasumik oqallisigitinnissaanut. Isummerfigisariaqarparput inuit tamarmik naleqarmata inuillu taakku nunatsinni inuiaqatigiinnut akuliuteqqinneqartariaqarlutik.

Marsip 11-ani allannguinikkut Anthon Frederiksen, Kattusseqatigiit Partiiat, aamma eqqartuussiveqarnermut naalakkersuisunngorpoql taamatullu sulini aallarnissavaa Juliane Henningsenip apeqquterpassuisa akiniarneranut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER