Skip to main content

Aatsitassarsiorneq pillugu innuttaasut ataatsimiinnerit soqutigaat

Nanortalimmi, Qaqortumi Narsamilu innuttaasut pingasoriartumik ataatsimiisinnerisa takutippaat Narsaqp eqqaani Kuannersuarni aatsitassarsiornissaq Kujataani soqutigineqarluartoq

Taama isumaqarpoq Greenland Minerals and Energy.

Ataatsimiinnerni takkuttut suliassat 2013-ip tungaanut isumagineqartussat pillugit ilisimatinneqarput. Misissueqqaarnerit misiliillunilu qillerinerit nanginnissaasa tungaannut siunnersuisartut nunarsuarmi akuerisaasut Kuannersuarni aatsitassarsiorneq aningaasarsiutigalugu ingerlannissaanut peqqissutsikkut avatangiisitigullu misissuissapput, taamattaarlu pilersaarutip akilersinnaassusia kiisalu attaveqaatitigut sanaartornikkullu suliassat nalilersorneqassallutik. Siunnersuisartut suliaat ilisimatuussutsikkut arlaannut attuumassuteqanngitsumik Namminersorlutik Oqartussat Aatsitassanut Pisortaqarfianut nalunaarusiamik kinguneqassapput, taamaalereerpat immikkut ilisimasallit nunanit allaneersut kiisalu suliffeqarfiit nakkutilliinermik ilisimatusarnermillu suliaqartut ilisimatuussutsikkut suliat Kuannersuarnilu aningaasarsiutigalugu aatsitassarsiornissamut periarfissat isummerfigissallugit.

- Taamanikkornissaanut naalakkersuisunut siulittaasoq Kuupik Kleist (Inuit Ataqatigiit) malillugu naalakersuisut isummerfigissavaat uran-imik akuutissanillu radioaktiviusunik akuersinnginnissaq isummerfigineqassaaq, nunat tamat assigiissaarutaannut tulluussarneqassasut, taamaalereerpat Greenland Minerals and Energy A/S aalajangiissaaq Kuannersuarni aatsitassarsiornissamik akuersissummik qinnuteqassanerluni, suliffeqarfik nalunaarpoq.

- Maanna nuannaarutigineqaarput nunap iluani misissuinissamut assigiissaartumik piumasaqaatit allanngortinneqarnerisigut Kuannersuarni misissueqqaarnissamik suliaqarnissaq periarfissinneqarmat. Misissueqqaarnerit siunnersuisartullu ilisimatuussutsikkut suliaat naammassereerpata ilisimasaqarnerulissaagut, paasissallutigulu pilersaarut peqqissuseq, avatangiisit aningaasarsiornerlu eqqarsaatigalugit piujuartitsinissamut akornutaannginnersut. Pilersaarulli isumatusaarnerusoq paasinarpoq, uppernarsarneqassappallu Kujataani inuussutissarsiornikkut ineriartortitsinermut nutaamut eqeersimaartumullu atorfissaqartinneqaqisumut suliffissarpassuarnillu nutaanik kinguneqartussaq tunngavissaqartinneqassaaq, Greenland Minerals and Energy A/S-imi paasissutissiinermut pisortaq Erik Holmsgaard oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER