Skip to main content

Nannumik qiperugaq stenalderimeersoq 1990-ikkunni sananeqarsimavoq

Nanoq kutsuusamik qiperugaq ukiunik 6000-inik pisoqaassuseqarneragaq Nationalmuseetip quppersagaani assiliartaasimasoq, 1990-ikkunni sananeqarsimavoq.

Nannumik kutsuusamik qiperugaq Nationalmuseetimut pivoq 1997-imi, tassani pisoqaassusilerneqarluni ujaraannarnik sakkoqarallarnermeersuusoq qallunaallu eriagisassaattut nalunaarutigineqarluni.

2007-imi nuna tamakkerlugu ilisimaneqalerpoq Jellingimi nassuusanik kuultimik sanaanik tillittut ilanngullugu aallarummassuk. 2008-milu katersugaasiviup saqqummersitaani nutaami ataqqinartumut inissinneqarpoq quppersakkanilu assiliartaalluni. Maanna sammineqaqqilerpoq, tassa katersugaataasussaanngivissimagami.

Tassami nanoq ukiunik 6000-inik pisoqaassuseqarsimanngilaq 1990-ikkunnili sananeqarsimalluni, taamatut allappoq Kristeligt Dagblad.

Katersugaasiviup pisortaa Peter Vang Petersen ukiorpassuarni Nationalmuseumimi qallunaat eriagisassaannik tigusisartuusimavoq nanuararlu tunniunneqarmat nalilersimallugu.

- Soorunami uukapaatinneqarneq nuanninngisaannarpoq. Upperinnissimavungali nanoq innerit puutoqaannik pooqarmat allagartaqarluni 1937-imit peqqissaartumik assammik allatamik, Peter Vang Petersen Kristeligt Dagbladimut oqarpoq.

- Taama paarilluagaatigisimanera tupaallaatigilaaraluarlugu puuata allagartaagalu qularunnaarsippaannga piviusuusoq, taanna nassuiaavoq.

Nannulli innerit puukuat poorinngilaa. Allagartarlu iluaniittoq qularnanngitsumik kutsuusamut allarluinnarmut innersuussivoq.

Pasitsaassisoqalerpoq katersugaasivik 2010-mi ukiakkut kutsuusamik nanuliamik nutaamik pisoqaarniartumit nannumik siullermik 1997-imi tunniussisumit, tunineqaqqimmat. Nannut ima assigiitsigaat katersugaasiviup pisortaata piviussusia qularnartoqartilerpaa.

Misissorlualaarlugit paasineqarpoq nannut marluk sakkunik nutaalianik takussutissaqarput, siullermilli tunniunneqartumi ersarippiaratik, tamannalu Peter Vang Petersenimik uukapaatitsivoq, taannalu isumaqarpoq tamanna sualuttumik quiasaariniarnerusoq.

Taamatut allappoq Ritzau.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER