Saqqummersitsineq kaffimik naggaserneqarpoq

Oqaluttuarisaanermut tunngasoq katersugaasivik Aalborgimiittoq ukiup ingerlanerani kalaallit Aalborgimiittut sammisimavai.

Aalborgip aamma Kalaallit Nunaata immikkut atassuteqarnerat immikkut sammineqarpoq oqaluttuarisaaneq pillugu Aalborgimi katersugaasivimmi immikkut saqqummersitsinermi. Assiliisoq: Leiff Josefsen

Pingasunngornermi 2. marts naggammik saqqummersitsineq "Grønland i Aalborg" (kalaallit Aalborgimiittut) takuniarneqarsinnaavoq.

1000-t pallillugit kalaallit illoqarfimmi tassani najugaqartuupput, tamannalu tunngavigalugu katersugaasiviup Aalborgimi kalaallit kulturiat, inuussutissarsiuteqarnerat aamma inuit ersersinniarsimavai.

Saqqummersitsineq kalaallisut naggaserneqassaaq, tassa kaffimik nal. 14.30 - 16.00 Aalborg Historiske Museumimi.

Powered by Labrador CMS