Skip to main content

Kunngikkormiut marlulissat takusinnaalerpatit

Kunngikkormiut allattoqarfiata kronprinsikkut marluliaasa assingi tamanut saqqummiuppai.

Januaarip ulluisa arfineq-pingajuanni kronprinsesse Mary marlulivoq nukappiaqqamik niviarsiaqqamillu, sisamanngormallu kronprinsikkut kunngikkormiuaqqallu inoorlaat assingi siulliit tamanut saqqummiunneqarput.

Januaarimi nulii iluatsilluartumik ernereermat kronprins Frederiup tulluusimaaqaluni tusagassiortorpassuit naapippai. Taamatut allaaserisaqarpoq Ritzau.

- Misigisaq tupinnartorujussuuvoq taamatut peqataalluni. Oqiliallattutut misigaagut pilluaqaagullu. Maannakkut misigisatsinnit pilluarnerusinnaanngilagut, kronprins taamani oqarpoq erninerlu "marloriaammik tupinnartuliatut" taallugu.

Erninermi nukappiaraq 2.674 gramimik oqimassuseqarpoq 47 centimeteritullu angissuseqarluni, niviarsiaraq akunnerup affaata qaangiunnerani inunngortoq oqimaassuseqarpoq 2.554 graminik en centimeterinillu animinit minnerulluni.

- Pisoq tamanna tupinnartorujussuuvoq. Tamarmik taartunik nujaqarput, tamarmillu nillerput. Uanga arnat pisinnaanerallu kakkageqaakka, kronprins Frederik Rigshospitalimi torsuusarsuarmi taamak oqarpoq.

Marlulissat suli inunngunngitsut qanoq atserneqarnissaat oqaluuserereersimagitsik kronprinsip uppernarsarpaa.

Kisianni qanoq atserneqarnissaat isertuussaagallarpoq kuisinnissaasa tungaannut, tamannalu pissaaq Holmens Kirkemi 14. april nalunaaqutaq 15.30.

Assit uani takusinnaavatit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER