Københavnimi nipilersornermik misigisassaq

Small Time Giants aamma Inuit Feet Global Copenhagenimi nipilersussapput

Inuit Feetikkut aamma Small Time Giantsikkut tusarnaartitsinissaannut plakati

Tallimanngorpat Københavnimi kulturikkut aaqqissuussineq soqutiginartoq, kalaallinut tunngassutilik ingerlanneqassaaq.

Ulloq taana Københavnimi nunarsuarmi tamaneersunik nipilersortarfik, Global Copenhagen, kalaallit nipilersoriaasiat immikkut ittoq qitiutinniarpaat.

Tamatumunnga atatillugu Globalimit Kalaallit rockimik nipilersortartut aallarterlaat ilisaritinneqarniarput tassaasut Small Time Giants & Inuit Feet. Mike Jensen, Small Time Giantsikkunni erinarsortartoq ilisimatitsivoq, Aarhus Universitetimi tusagassiornermut ilinniagaqartuusoq.

Small Time Giants

Small Time Giants rockimik allatut nipilersortartuupput kalaallinilli sisamanik inuusuttunik inuttaqarlutik, taakku Qaqortumi peroriartorsimapput. Nipilersortaasiat silarsuarmi pissutsinik marlunnik tunngaveqarpoq, isumassarsiorfiusarlutik kalaallit aamma nunarsuarmioqatigiit kulturiat, tassani nipaassuseq aamma nipitoorujussuarmi rockimik nipilersortarnermi nipilersortagaanni inissaqartinneqarput. Nipilersortartut nipinik allakajaat atortarpaat, tumerparpaat elektroniskiusut aamma nipit allani immiussat nipilersornerminni ilaatitaarpaat, tamatumalu oqariartuut allaanerutilersarpaa sumiiffimmilu pisunngortillugu, Mike Jensen ilisimatitsivoq.

Inuit Feet

IInuit Feet sakkortuunik erinniortarput taallartai inuit atugarisaannut piviusunut qujanarlaartunngorlugit tunngasuullutik uummat qanorluunnit nillertigigaluarpat atortinnanngitsoornatik. Arnanut asanninneq ulluinnarni ajornartorsiutit fiisternerit maangaannartut sammillugit Inuit Feetikkut tusarnaariartut oqaatsit marluk atorlugit angutip misigissusai eqqarsaataalu saqqummiutissavaat. Erinarsuutit qallunaatut aamma kalaallisut atorneqartarput rockimik nipilersuutitalerlugit aammalu mondolinerpalaaq tusarsaassaaq, Mike Jensen ilisimatitsivoq.

Nipilersortarfik

Mike Jensen ilisimatitsivoq nipilersortarfik Global Copenhagen tassaasoq inuit piumassutsiminnik sulisut ingerlataat, tassani siunertarineqarpoq nunarsuarmi nipilersoriaatsit Danmarkimi ilisimaneqalernisaa. Marsiinnarmi nipilersortartut DR Congomeersut, Colombiameersut, Cubameersut, Severigemeersut aamma Kalaallit Nunaanneersut nipilersorput.

- Kalaallit tusarnaartitsisinniarnerannut siunertaavoq ullutsinni kalaallit kulturiannik takutitsiniarneq, tamatumunngalu ilutigitillugu kalaallit Danmarkimiittut nuannersumik aamma kulturimik ilallugu ataatsimoortinneqarnissaat, oqaluttuarpoq.

Globalimit toqqarneqarpoq kalaallit nipilersortartut Aarhusimeersut tusaamaneqanngingajavissut tusarnaartitsinissaat, tassa aaqqissuussineq inunut kalaallit nipilersoriaasiannik ilisimannittunut nutaajutinniarlugu allaanerutinniarlugulu, kisianni aammattaaq tusarnaariartunut ataasiakkaanut kalaallit nipilersoriaasiannik takorluugaannut naleqqiullugu allaaneruniassammat, Mike Jensen oqaluuttuarpoq.

Powered by Labrador CMS