Skip to main content

Nunagisamit anisitaaneq

Tassa taanna qulequtaralugu Hus Forbi saqqummeqqammerpoq

Angerlarsimaffeqanngitsut aviisiat Hus Forbi ippassaq saqqummerpoq saqqaaniilluni kalaaleq Ole Møller qulequtserlugu: Piffissami killiligaanngitsumi nunagisamit anisitaaqqaneq. Quppernerni arfineq pingasuni apersorneqarpoq ilaatigut maannakkut misiligutaasumik parnaarussivimmit matoqqasumit Herstedvesterimit iperagaagallartoq 66-inik ukiulik Ole Møller.

Kalaallit Nunaanni eqqartuusseriaatsimik qanganisanngorsimasumik isornartorsiuineq politikerinik atorfilittanillu kiisalu piffissami sivisuumi parnaarussanik Herstedvesterimilu atorfilinnik apersuineq, tamakku allaaserinerat atuarneqarsinnaavoq Hus Forbimi 75.000-inngorlugu saqqummersinneqartartumi uani martsimi saqqummersumi.

- 1958-imili Kalaallit Nunaata pinerluuteqarsimasut ulorianarnerpaat Danmarkimut piffissami killiligaanngitsumi parnaarussassanngorlugit aallartittarpai. Anigaangata kalaaliusutut qallunaajusutulluunniit misigisimaneq ajorput, inuiaqatigiinnilu appasinnerpaami inissisimalernissaq aajunaralaarsuusarluni, taamatut allaaserisaqarpoq Hus Forbi, uani qaammammi saqqummersumi allaaserisani pingasuni Ole Møllerip apersorneranik ilanngussaqartut.

Aasaq manna iperagaassaaq sivisunerpaajugunartumik danskit parnaarussivianni parnaarussaaqqasimasoq. Kalaaleq ukiuni 36-ni parnaarussaasoq Ole Møller. Danmark EF-imulli ilaasortaalermat USA-lu Vietnamimi sorsunnermit tunuartitermat atasuinnangajammik parnaarussaaqqasimasoq. Maanna Facebookip mobiltelefonillu nutaaliaalluinnartut atugaalereersullu iperagaassaaq. Inersimasutut inuuneqarneq qarmat tunuanni atorpaa.

Ole Møllerip iperagaaneratigut danskit kalaallillu eqqartuussiveqarnikkut tujorminartortaat kingumut sammineqaqqilerpoq. Ukiuni 60-ingajanni Kalaallit Nunaata pinerluttortani ulorianarnerpaat nunagisaannit allamut aallartittarpai. Pinngitsaaliisimasut aamma toqutsisimasut piffissami killiligaanngitsumi passunneqartussanngorlugit parnaarussassanngortinneqartarput aallartinneqartarlutillu Statsanstaltenimut Herstedvesterimiittumut. Amerlasuut ukiuni 10-20-ni parnaarussaaqqasarput. Taamatut nunami tusintit arlallit ungasitsigisumi parnaarussassanngortitsisarneq - qaqugu angerlassanerlutik ilisimanngisaannik - tamanna Kalaallit Nunaannut atuuppoq assissaqanngitsoq. Tamannalu ukiuni arlaqalersuni Danmarkimi nunani allani isornartorsiorneqangaatsiartarpoq, taamatut allaaserisaqarpoq Hus Forbi.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER