Niviaq dopingimik misissuiffigineqarpoq
Allat nunarsuarmi tamaneersut ujakkaartartut peqatigalugit kalaaleq taanna inuusuttoq dopingersimanersoq aamma misissuiffigineqassaaq
Ullumikkut Niviaq Berthelsen pissartanngorniunnernut anngunniulluni ujakkaalinnginnermini, ajugaaffigisaanut, dopingersimanersoq misissorneqarpoq. Allat ujakkaartartut nunanit ujakkaallammammeersut peqatigalugit utaqqisarfimmi issiaqataavoq.
Aavata aappaluttortai amerlavallaarpata, taava ulluni tulliuttuni tallimani ujakkaarsinnaatitaanngilaq.
Norgemi VM-erfimmi norgemiu nalaatsornerinnakkut oqaloqatigigamiuk paasivaa Maniitsumi 1989-imi GM-eqataasimasoq. Sunaaffa ujakkaartartutut tusaamasarsuaq Vegard Ulvang, FIS-imi præsidentia peqatigalugu ilassivai.
Oqaatigeriikkatsitut Niviaq ullumi unammineqataanermi siullermi peqataavoq, ajugaallunilu, soorlu aamma ullumi ammaanersiortoqartoq.
- Tamanna Kalaallit Nunaanni ujakkaarnermi taamatut angusaqarneq angusaavoq annertooq, Flemming Enequist, Norgemi kalaallinik ujakkaartunik holdlederiusoq, oqarpoq.
Ujakkaarnermi nunarsuarmi pissartanngorniunnernit aallakaatitsineq pivoq NRK1-imi.
- Maani Oslomi pissartanngorniunnernut piareersaanerit naammassingajalerput, arpaffissaat misiligarneqareerput. Tassa nunarsuatsinni ujakkaarfiit sakkortunerpaat Niviaq Chemnitz Berthelsenip ujakkaarfissai, tamannalu uanga uppernarsarpara. 1982-imi uagut VM-erluta ujakkaarfitta assipajaaraat, stadion tamarmi nuunneqarsimavoq arpaffissaat tv-kkut malinnaaffigineqarsinnaallualersillugu, tamannalu ujakkaartartunut ujakkaarfinnik sakkortuunik qattunernillu ajornartunik nuannarisaqartunut nuannissaqaaq, Flemming Enequist oqarpoq.