Skip to main content

Najugaq qimannagu perorsaasutut ilinniartitaaneq

Najugaq qimannagu perorsaasutut ilinniartitaaneq Nuummi, Sisimiuni aamma Ilulissani ingerlanneqarsinnaavoq

Siumup inatsisartunut ilaasortaatitaa Karl Lyberth naalakkersuisunut apeqquteqaateqartuuvoq najugaqaq qimannagu perorsaasutut ilinniartitaarnermik ingerlatsisinnaanermut periarfissat pillugit.

Apeqquteqaatiminut tunngavilersuutigaa ilaatigut nuna tamakkerlugu sumiiffinni perorsaasunik amigaateqartoqarnera ilaatigullu pitsaassasoq ilinniartitaanermik sumiiffinni assigiinngitsuni amerlasuuni ingerlanneqarsinnaanera periarfissaqassappat.

Ilinniartitaanermut naalakkersuisoq Mimi Karlsen ilisimatitsivoq, innuttaasut najugaq qimannagu perorsaasunngorniarusuttut illoqarfinni Nuummi, Sisimiuni Ilulissanilu tamatumunnga periarfissaqartut. Tamatuma saniatigut Ilulissani Perorsaanermik Ilinniarfimmi nalinginnaasumik ilinniartoqarsinnaavoq. Ilinniagaqartut najugaq qimannagu ilinniartitaanernut qinnuteqartut tassaakkajuttarput isumaginninnermi ikiortit sulinermi sivikinnerpaamik ukiuni pingasuni misilittagallit, kiisalu illoqarfinni pineqartuni sullissiveqarfinni sulisuusut.

Kommunit ilinniagaqarnermi ukiunik pingasunik sivisussusilimmi ilinniagaqartut akissarsiaannik paarlattaasullu akissarsiaannik akiliisarput. Ilinniartitaaneq ima aaqqissugaavoq ilinniagaqartut piffissap ilaani atuartarlutik piffissallu ilaani sullissiveqarfimmi suliffigisaminni sulisarlutik.

Kommunit ininik atukkiussisarput (allaffik inillu atuartitsiviit), Namminersorlutik Oqartussat inaateqanngikkaangata.

- Maanna najugaq qimannagu perorsaasunngorniarnerit pingasut ingerlapput. Taakku Nuummi, Sisimiuni Ilulissanilu ingerlanneqarput. Ilinniartitaanerit Namminersorlutik Oqartussat, kommunit Perorsaanermillu Ilinniarfiup akornanni suleqatigiissutaapput. Taaneqartoq kingulleq ilinniartitaanernut akisussaasuuvoq.

- Illoqarfinni taaneqartuni ukiut pingasukkuutaarlugit holdit ataatsit atualersinneqartarput. Holdit pingajuat maanna Nuummi ingerlavoq, holdit siullersaat 2004-mi aallartilluni. 2011-mi upernaap ingerlanerani Sisimiuni Ilulissanilu holdit ataatsit naammassissapput, tamatumani nunatsinni inuiaqatigiit isumaginninnermi perorsaasunik 37-nik nutaanik peqalissallutik.

Summiiffinni amerlanerusuni periarfissat

Najugaq qimannagu perorsaasunngorniarneq illoqarfiit taaneqartut saniatigut allani ingerlanneqanngilaq, maannali Qeqqata aamma Qaasuitsup Kommunii holdinik nutaanik aallartitsinissaq pillugu isumaqatiginiarneqarput, Mimi Karlsen ilisimatitsivoq.

Tamatumunnga atatillugu oqaatigaa Qaqortumi najugaq qimannagu ilinniartitaanermik aallartitsiniartoqarsimammat iluatsinngitsumilli.

Sisimiuni najugaq qimannagu ilinniartitaanermi ilinniagaqartut aamma nunaqarfimmeersut peqataapput, Nuummi holdini nutaani ilinniagaqartut Paamiuneersut tallimaallutik.

Mimi Karlsen siger videre, at selvstryret har fundet det mest hensigstsmæssigt at lave decentrale hold i de større byer.

Mimi Karlsen nangilluni oqarpoq, Namminersorlutik Oqartussat naapertuunnerpaasorigaat maanna periuseq tunngavigalugu illoqarfinni anginerusuni najugaq qimannagu holdinik ingerlatsisoqarnera.

- Periuseq pitsaasuusoq paasineqarsimavoq, ilinniagaqartut illoqarfimmi ilinniarfigisami najugaqarlutik ilaqutaqarlutillu, kiisalu suliffimminnut ingerlaavartumik attaveqarsinnaallutik, aamma ilinniartitaaneq oqaatsit ilitsoqqussat atorlugit pisinnaalluni. Tamakku kinguneraat ilinniartitaanerni taamaatiinnartartut ikinnerujussuunerat, nassuiaavoq.

- Najugaq qimannagu ilinniartitaanerit nuna tamakkerlugu ingerlanneqannginnerannut tunngavilersuutaasoq maannamut tassaasimavoq sulisussaqarniarneq naammassisinnaasanullu tunngasut. Taamaattorli siunissami nuna tamakkerlugu ilaatigullu internetimik tunngaveqarluni najugaq qimannagu ilinniartitaanernik pilersitsisoqarsinnaanissaa mattunneqanngilaq. Periarfissat nutaat, ilinniarfik nutaaq ilinniartullu ineqarfii nutaat atorlugit ukiut tulliuttut ingerlanerini nuna tamakkerlugu najugaq qimannagu perorsaasunngorniarnernik neqerooruteqarnissamut periarfissaqalissaaq. Tamatumali tungaanut isumaqarpugut kommunit suleqatigalugit maanna periutsip ingerlaannarnissaa pitsaanerpaasoq. Taanna maannamut iluatsilluarpoq, Mimi Karlsen naqissusiivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER